ថ្ងៃទី១២ ខែកក្កដា តាមម៉ោងក្នុងតំបន់ អង្គការសុខភាពពិភពលោកបានចេញរបាយការណ៍ប្រចាំថ្ងៃថ្មីបំផុតស្តីពីជំងឺកូវីដ១៩ ករណីឆ្លងថ្មីនៃជំងឺកូវីដ១៩នៅលើពិភពលោកទាំងមូល គឺ២៣០៣៧០នាក់ ករណីស្លាប់៥២៨៥នាក់ ។ នៅទ្វីបអាមេរិកដែលមានការរីករាលដាលធ្ងន់ធ្ងរជាងគេ មានចំនួនករណីឆ្លងសរុបឡើងដល់ ៦៥៤០២២២នាក់ ករណីស្លាប់សរុប ២៨៣៣៥៧នាក់ ។
ទិន្នន័យស្ថិតិថ្មីបំផុតស្តីពីជំងឺកូវីដ១៩ដែលសកលវិទ្យាល័យ Johns Hopkins របស់អាមេរិកបានប្រកាស ឱ្យដឹងថា គិតរហូតដល់វេលាម៉ោង ១៧និង៣៥នាទី រសៀលថ្ងៃទី ១២ ខែកក្កដា តាមម៉ោងតំបន់ខាងកើតរបស់អាមេរិក ករណីឆ្លងជំងឺកូវីដ១៩នៅអាមេរិកមានចំនួនលើសពី ៣២៨ ម៉ឺននាក់ ពោលគឺ ៣២៨៨៧៨៨នាក់ ករណីស្លាប់សរុប១៣៥១១៨នាក់ ។ ក្នុងរយៈពេល២៤ម៉ោងចុងក្រោយនេះ ករណីឆ្លងថ្មីនៅអាមេរិកគឺ ៥៩៩០៤នាក់ ករណីស្លាប់ ៥១៨នាក់ ។
ព្រមជាមួយគ្នានេះ គិតរហូតដល់ម៉ោង២០ យប់ថ្ងៃទី១២ ខែកក្កដា តាមម៉ោងតំបន់ខាងកើតនៃទ្វីបអាហ្វ្រិក ទិន្នន័យនៃមជ្ឈមណ្ឌលគ្រប់គ្រងជំងឺឆ្លងអាហ្វ្រិកបានបង្ហាញថា ប្រទេសចំនួន៥៤នៃ ទ្វីបអាហ្រ្វិកបានរាយការណ៍ករណីឆ្លងសរុប ៥៧៨៧៣៤នាក់ ករណីស្លាប់សរុប ១២៩៩៦នាក់ ៕