លោក Aftab Siddiqui អ្នកវិភាគបញ្ហាអន្តរជាតិរបស់អង់គ្លេសបានថែ្លងកាលពីថៃ្ងទី ១២ ខែកក្កដា តាមម៉ោងនៅក្នុងតំបន់ ថា ការសម្រេចចិត្តរបស់រដ្ឋាភិបាលអាមេរិកនាពេលថ្មីៗកន្លងទៅនេះក្នុងការប្រកាសជាផ្លូវការអំពីការដកខ្លួនចេញពីអង្គការសុខភាពពិភពលោក គឺជារឿងដែលធ្វើឱ្យគេខកចិត្តយ៉ាងខ្លាំង។លោកបានសង្កត់ធ្ងន់ថា ការគាំពារកិត្យានុភាពរបស់អង្គការសុខភាពពិភពលោក គឺមានសារៈសំខាន់បំផុត ព្រមជាមួយគ្នានេះ មានតែបណ្តាប្រទេសនានារួបរួមកម្លាំងគ្នា ទើបអាចយកជ័យជម្នះលើការប្រយុទ្ធប្រឆាំងនឹងជំងឺកូវីដ ១៩ បាន។
ក្នុងពេលផ្តល់បទសម្ភាសន៍ជាមួយអ្នកសារព័ត៌មាន លោកសាស្រ្តាចារ្យ Aftab Siddiqui បានលើកឡើងថា ករណីឆ្លងជំងឺកូវីដ ១៩ ថ្មីរបស់អាមេរិកបានកើនឡើងជាបន្តបន្ទាប់ក្នុងរយៈពេលប៉ុន្មានខែកន្លងមកនេះ ហើយក្រុងវ៉ាស៊ីនតោនពិតជាត្រូវពិចារណាកំហុសឡើងវិញនូវភាពទន់ខ្សោយក្នុងការឆ្លើយតបនឹងជំងឺនៃប្រព័ន្ធសុខាភិបាលក្នុងស្រុក។
លោកសាស្រ្តាចារ្យ Aftab Siddiqui បានថែ្លងទៀតថា ការរីករាលដាលនៃជំងឺកូវីដ ១៩ គឺជាបញ្ហាប្រឈមជាសកល ហើយអង្គការសុខភាពពិភពលោកបានដើរតួនាទីយ៉ាងសំខាន់ក្នុងការដឹកនាំការឆ្លើយតបបញ្ហាសុខាភិបាលអន្តរជាតិ។ហេតុដូច្នេះ ការគាំពារកិត្យានុភាពរបស់អង្គការសុខភាពពិភពលោក គឺមានសារៈសំខាន់បំផុតក្នុងដំណើរប្រយុទ្ធប្រឆាំងនឹងការរីករាលដាលនៃជំងឺឆ្លង៕
