ថ្ងៃទី២៥ខែឧសភាជារៀងរាល់ឆ្នាំត្រូវបានសន្មតជា”ទិវាទ្វីបអាហ្រ្វិក” នៅក្រោមការរៀបចំរបស់សហភាពអាហ្រ្វិក “ទិវាទ្វីបអាហ្រ្វិក”ឆ្នាំនេះបានធ្វើឡើងក្រោមប្រធានបទ”ធ្វើឱ្យស្នូរកាំភ្លើងស្ងប់ស្ងាត់ក្នុងអំឡុងពេលកើតមានជំងឺឆ្លង”។
នៅវេលាម៉ោង៣រសៀលថ្ងៃទី២៥ខែឧសភា តាមម៉ោងភាគខាងកើតអាហ្រ្វិក គណៈកម្មាធិការសុខសន្តិភាពនៃសហភាពអាហ្រ្វិកបានបើកកិច្ចប្រជុំតាមប្រព័ន្ធវីដេអូក្រោមប្រធានបទ”ធ្វើឱ្យស្នូរកាំភ្លើងស្ងប់ស្ងាត់” ដើម្បីអំពាវនាវប្រជាពលរដ្ឋអាហ្រ្វិកឱ្យយកចិត្តទុកដាក់ដល់ទំនាក់ទំនងរវាងការអភិវឌ្ឍនិងសន្តិភាព ។
ខណៈពេល”ទិវាទ្វីបអាហ្រ្វិក”២៥ឧសភាជិតចូលមកដល់ លោកGuterresអគ្គលេខាធិការអង្គការសហប្រជាជាតិបានថ្លែងថា អាហ្រ្វិកបានបង្ហាញឱ្យឃើញនូវសមត្ថភាពដឹកនាំមិនធម្មតាក្នុងការប្រយុទ្ធប្រឆាំងនឹងជំងឺកូវីដ១៩ ប៉ុន្តែ ការប៉ះទង្គិចនិងសង្រ្គាមនៅតែកើតមានក្នុងប្រទេសជាច្រើននៃទ្វីបអាហ្រ្វិក លោកសូមអំពាវនាវឱ្យបណ្តាប្រទេសនានាឆ្លើយតបនឹងសេចក្តីអំពាវនាវស្តីពីការឈប់បាញ់គ្នាក្នុងអំឡុងពេលកើតមានជំងឺឆ្លង ដើម្បីរួមគ្នាយកឈ្នះលើជំងឺកូវីដ១៩៕