លោកTedros អគ្គលេខាធិការនៃអង្គការសុខភាពពិភពលោកបានថ្លែងកាលពីថ្ងៃទី២៥ខែឧសភាថា បច្ចុប្បន្នទ្វីបអាហ្រ្វីកគឺជាតំបន់រងផលប៉ះពាល់តិចបំផុតពីការរីករាលដាលនៃជំងឺកូវីដ១៩នៅទូទាំងពិភពលោក គិតរហូតមកទល់បច្ចុប្បន្ន ទ្វីបអាហ្រ្វីកគ្មានការផ្ទុះរីករាលដាលជំងឺកូវីដ១៩ក្នុងង់ទ្រាយធំនោះទេ។
ក្នុងសន្និសីទសារព័ត៌មានតាមប្រព័ន្ធវីដេអូ លោកTedros បាននិយាយថា ត្បិតតែមានប្រទេសលើសពីពាក់កណ្តាលនៅទ្វីបអាហ្រ្វីកបានផ្ទុះការរីករាលដាលជំងឺឆ្លងក្នុងសហគមន៍ ក៏ប៉ុន្តែករណីអ្នកឆ្លងជំងឺកូវីដ១៩និងករណីស្លាប់ដែលបញ្ជាក់នៅក្នុងស្ថិតិរបស់អង្គការសុខភាពពិភពលោកបានបង្ហាញថា បច្ចុប្បន្នទ្វីបអាហ្រ្វីកគឺជាតំបន់រងផលប៉ះពាល់តិចបំផុតពីការរីករាលដាលនៃជំងឺកូវីដ១៩នៅទូទាំងពិភពលោក។ ករណីអ្នកឆ្លងជំងឺកូវីដ១៩ដែលទ្វីបអាហ្រ្វីកបានរាយការណ៍ត្រូវជា១.៥%ប៉ុណ្ណោះនៃករណីជំងឺឆ្លងនៅទូទាំងពិភពលោក ករណីស្លាប់មិនដល់០.1%នៃករណីស្លាប់នៅទូទាំងពិភពលោកនោះទេ៕