យប់ថ្ងៃទី២១ខែឧសភា កិច្ចប្រជុំលើកទី៣នៃមហាសន្និបាតសភាតំណាងប្រជាជនទូទាំងប្រទេសចិននីតិកាលពី១៣បានធ្វើសន្និសីទសារព័ត៌មាននៅវិមានសភាប្រជាជនចិន។លោកZhangYesuiអ្នកនាំពាក្យនៃមហាសន្និបាតសភាតំណាងប្រជាជនទូទាំងប្រទេសបានឆ្លើយតបសំណួរពាក់ព័ន្ធនឹងថវិកាការពារជាតិចិនថា ថវិកាការពារជាតិនៃប្រទេសចិនគឺសមរម្យនិងមានភាពអត់ធ្មត់។
លោកZhangYesuiបានថ្លែងថា ប្រទេសចិនអនុវត្តគោលនយោបាយការពារជាតិដែលមានលក្ខណៈការពារ។ថវិកាការពារជាតិនៃប្រទេសចិនមានភាពសមរម្យនិងអត់ធ្មត់មិនថាទំហំទឹកប្រាក់ ទាំងការគិតជាមធ្យមក្នុងមនុស្សម្នាក់ៗឬក៏និងអនុបាតនៃផលិតផលក្នុងស្រុកសរុបនោះទេ។បើមើលពីក្របខ័ណ្ឌពិភពលោកឃើញថា អនុបាតនៃថវិកាការពារជាតិចិនធៀបនឹងផលិតផលក្នុងស្រុកសរុបគឺត្រូវជា១.៣%ជាច្រើនឆ្នាំជាប់ៗដែលទាបជាងយ៉ាងច្រើនពីកម្រិតមធ្យមនៃពិភពលោកដែលមានរហូតដល់២.៦%។
លោកZhangYesuiបានគូសបញ្ជាក់ថា ប្រទេសចិនបានប្រគល់របាយការណ៍ស្តីពីថវិកាយោធាជូនចំពោះអង្គការសហប្រជាជាតិជារៀងរាល់ឆ្នាំចាប់ពីឆ្នាំ២០០៧មកដែលបានកត់ត្រាយ៉ាងច្បាស់លាស់អំពីការប្រើប្រាស់នៃថវិកាការពារជាតិពោលគឺមិនដែលមានបញ្ហាថវិកាយោធាកំបាំងនោះទេ។