កាលពីថ្ងៃទី ២១ ខែឧសភា ឆ្នាំនេះ គឺជា"ទិវាតែអន្តរជាតិ"លើកដំបូងដែលបានសន្មតដោយអង្គការសហប្រជាជាតិ។លោកប្រធានរដ្ឋចិន ស៊ីជីនភីង បានផ្ញើសារលិខិតចូលរួមអបអរការធ្វើសកម្មភាពពាក់ព័ន្ធមួយចំនួនដើម្បីសាទរ"ទិវាតែអន្តរជាតិ"។
លោក ស៊ីជីនភីង បានលើកឡើងថា ស្លឹកតែមានដើមកំណើតនៅប្រទេសចិន ហើយមានប្រជាប្រិយភាពនៅលើពិភពលោក។ការបង្កើត"ទិវាតែអន្តរជាតិ"ដោយអង្គការសហប្រជាជាតិបានឆ្លុះបញ្ជាំងពីការទទួលស្គាល់និងការយកចិត្តទុកដាក់របស់សហគមន៍អន្តរជាតិចំពោះតម្លៃស្លឹកតែនិងមានសារៈសំខាន់យ៉ាងខ្លាំងក្នុងការជំរុញភាពផុលផុសនៃឧស្សាហកម្មផលិតតែនិងជំរុញការផ្សាព្វផ្សាយវប្បធម៌តែ។ប្រទេសចិនរីករាយរួមសហការជាមួយគ្រប់ភាគីទាំងអស់ដើម្បីជំរុញការអភិវឌ្ឍឧស្សាហកម្មផលិតតែប្រកបដោយនិរន្តរភាពនិងរឹងមាំនិងធ្វើឱ្យមនុស្សកាន់តែច្រើនបានស្គាល់ ចូលចិត្តតែព្រមទាំងចែករំលែកគ្នានូវជីវភាពរស់នៅដ៏ល្អបវរ។
នាថ្ងៃដដែលនោះ អង្គការស្បៀងអាហារនិងកសិកម្មនៃអង្គការសហប្រជាជាតិបានប្រារព្ធពិធីអបអរ"ទិវាតែអន្តរជាតិ"លើកដំបូងតាមប្រព័ន្ធវីដេអូ។
លោក ឈូដុងយូ អគ្គនាយកនៃអង្គការស្បៀងអាហារនិងកសិកម្មនៃអង្គការសហប្រជាជាតិបានថែ្លងថា ស្លឹកតែមានតម្លៃសេដ្ឋកិច្ចដ៏សំខាន់ តែតំបន់បង្កបង្កើនផលតែជាច្រើនកន្លែងស្ថិតក្នុងភាពក្រីក្រ ដូច្នេះ តំបន់ទាំងនេះត្រូវការឧស្សាហកម្មផលិតតែដើម្បីជំរុញការអភិវឌ្ឍសេដ្ឋកិច្ចរបស់ខ្លួន៕
