កាលពីថ្ងៃទី២០ខែឧសភា លោក Tedros Adhanom Ghebreyesus អគ្គនាយកអង្គការសុខភាពពិភពលោកបានថ្លែងថា មហាសន្និបាតសុខភាពពិភពលោកលើកទី៧៣ទទួលបានសមិទ្ធផលច្រើនណាស់ ដែលបានបង្ហាញនូវសាមគ្គីភាពដែលមិនធ្លាប់មានពីមុន លោកក៏សូមថ្លែងអំណរគុណចំពោះប្រទេសជាសមាជិកដែលបានអនុម័តជាឯកច្ឆន្ទនូវសេចក្តីសម្រេចចិត្តអំពីជំងឺកូវីដ១៩ ។
នៅក្នុងពិធីបើកមហាសន្និបាត មេដឹកនាំចិនបានប្រកាសពីវិធានការ ៥ ចំណុចរបស់ចិនសម្រាប់ជំរុញកិច្ចសហប្រតិបត្តិការពិភពលោកក្នុងការប្រយុទ្ធប្រឆាំងនឹងជំងឺកូវីដ១៩ និងអំពាវនាវបណ្តាប្រទេសនានាឱ្យពួតដៃគ្នាកសាងសហគមន៍រួមវាសនាសុខភាពមនុស្សជាតិ ដែលទទួលបានការកោតសរសើរពីសហគមន៍អន្តរជាតិ ។ ទីភ្នាក់ងារព័ត៌មានBloombergបានចុះផ្សាយបទវិចារណកថាថា ប្រទេសចិនសន្យាគាំទ្រអង្គការសុខភាពពិភពលោកដោយពេញទំហឹង វាផ្ទុយគ្នាយ៉ាងខ្លាំងជាមួយនិងទង្វើរបស់រដ្ឋាភិបាលលោកត្រាំដែលស្តីបន្ទោសនិងឈប់ផ្តល់ថវិកាដល់អង្គការសុខភាពពិភពលោក ៕