លោកស្រី Ursula von der Leyen ប្រធានគណៈកម្មាធិការសហភាពអឺរ៉ុបបានថ្លែងសុន្ទរកថាតាមប្រព័ន្ធវីដេអូកាលពីថ្ងៃទី ១៩ ខែឧសភា ថា សហភាពអឺរ៉ុបបានឆ្លើយតបយ៉ាងសកម្មចំពោះការអំពាវនាវរបស់អង្គការសុខភាពពិភពលោកក្នុងការរៃអង្គាសថវិកាសម្រាប់ការស្រាវជ្រាវនិងការអភិវឌ្ឍវ៉ាក់សាំងប្រឆាំងនឹងជំងឺកូវីដ ១៩ ។ការប្រយុទ្ធប្រឆាំងនឹងការរីករាលដាលនៃជំងឺកូវីដ ១៩ គឺ មិនអាចកាត់ផ្តាច់ពីកិច្ចខិតខំប្រឹងប្រែងរបស់មនុស្សគ្រប់រូបនោះឡើយ។វ៉ាក់សាំងមិនមែនជាសម្ភារៈប្រណីតសម្រាប់មនុស្សពីរបីនាក់នោះទេ នៅពេលដែលវ៉ាក់សាំងត្រូវបានផលិតឡើងដោយជោគជ័យ វាត្រូវតែធានាថា នឹងដាក់ឱ្យប្រើប្រាស់យ៉ាងទូលំទូលាយសម្រាប់មនុស្សគ្រប់គ្នា។
មុនពេលនោះ គណៈកម្មាធិការសហភាពអឺរ៉ុបបានស្នើធ្វើសន្និសីទស្តីពីការសន្យាបរិច្ចាគប្រាក់ក្នុងក្របខ័ណ្ឌទូទាំងពិភពលោកតាមទម្រង់ពហុភាគីដែលបានរៃអង្គាសថវិកាចំនួន ៧,៤ ពាន់លានអឺរ៉ូដែលនឹងត្រូវប្រើប្រាស់សម្រាប់ការព្យាបាលជំងឺកូវីដ ១៩ និងការស្រាវជ្រាវនិងអភិវឌ្ឍវ៉ាក់សាំង៕