ប្រធានមហាសន្និបាតសុខភាពពិភពលោកលើកទី ៧៣ បានប្រកាសកាលពីថ្ងៃទី ១៨ ខែឧសភាថា មហាសន្និបាតនេះមិនធ្វើការពិភាក្សាទៅលើសំណើរបស់ប្រទេសមួយចំនួនតូចស្តីពី “ ការអញ្ជើញតំបន់តៃវ៉ាន់ឱ្យចូលរួមមហាសន្និបាតសុខភាពពិភពលោកក្នុងនាមជាអ្នកសង្កេតការណ៍ “នោះទេ។ ជុំវិញករណីនេះ លោក Ma Xiaoguang អ្នកនាំពាក្យការិយាល័យកិច្ចការតៃវ៉ាន់នៃក្រុមប្រឹក្សារដ្ឋចិនបានថ្លែងកាលពីថ្ងៃទី ១៩ ខែឧសភាថា នេះបានបញ្ជាក់ម្តងទៀតថា ការប៉ុនប៉ងឱ្យតំបន់តៃវ៉ាន់ឯករាជ្យ គឺមិនអាចសម្រេចបានទេ ។ គោលការណ៍ប្រទេសចិនតែមួយគឺជាគំនិតឯកភាពរួមនៃសហគមន៍អន្តរជាតិ ។
អង្គការសុខភាពពិភពលោកជាស្ថាប័នឯកទេសនៃអង្គការសហប្រជាជាតិដែលបង្កើតឡើងដោយប្រទេសមានអធិបតេយ្យភាព ឯតំបន់តៃវ៉ាន់ជាតំបន់មួយនៃប្រទេសចិន គឺគ្មានសិទ្ធិចូលរួមសន្និបាតសុខភាពពិភពលោកទេ ។
មហាសន្និបាតសុខភាពពិភពលោកឆ្នាំ២០២០នេះបានបើកធ្វើខណៈពេលជំងឺកូវីដ ១៩ កំពុងតែរីករាលដាលលើពិភពលោក ។ ពេលវេលាដ៏សំខាន់នេះត្រូវតែទុកឱ្យប្រទេសនានាធ្វើការពិភាក្សាពីកិច្ចសហប្រតិបត្តិការដើម្បីទប់ទល់នឹងជំងឺកូវីដ ១៩ ។ ឯអជ្ញាធរនៃបក្សប្រជាធិបតេយ្យរីកចម្រើនរបស់តៃវ៉ាន់បែរជាឆ្លៀតឱកាសនេះលេងឧបាយកលនយោបាយ ប្រាកដជាត្រូវរងការប្រឆាំងជាទូទៅពីសំណាក់សហគមន៍អន្តរជាតិបែបនេះហើយ ។
