កាលពីថ្ងៃទី១៩ខែឧសភា លោក Zhao Lijian អ្នកនាំពាក្យក្រសួងការបរទេសចិនបានថ្លែងថា សេចក្តីព្រាងច្បាប់នៃសេចក្តីសម្រេចចិត្តអំពីជំងឺកូវីដ១៩ដែលមហាសន្និបាតសុខភាពពិភពលោកកំពុងពិភាក្សានោះគឺខុសគ្នាស្រឡះទៅនឹង “ការពិនិត្យពិភាក្សាអន្តរជាតិដោយឯកតោភាគី”អំពីជំងឺឆ្លងដែលលើកឡើងដោយអូស្ត្រាលី ។
កាលពីថ្ងៃទី១៨ខែឧសភា រដ្ឋមន្ត្រីការបរទេសអូស្ត្រាលីបានថ្លែងថា ប្រទេសជាច្រើនគាំទ្រសេចក្តីសម្រេចចិត្តអំពីជំងឺឆ្លងដែលសហភាពអឺរ៉ុបលើកឡើងក្នុងមហាសន្និបាតសុខភាពពិភពលោក ដែលបង្ហាញពីសារសំខាន់នៃការលើកឡើងពី “ការពិនិត្យពិភាក្សាអន្តរជាតិដោយឯកតោភាគី”របស់អូស្ត្រាលី ។
អំពីរឿងនេះ លោក Zhao Lijian បានថ្លែងថា សេចក្តីព្រាងច្បាប់នៃការសម្រេចចិត្តគឺលើកឡើងអំពីការចាប់ផ្តើមវាយតម្លៃក្នុងពេលដ៏សមរម្យតែមិនមែនធ្វើការពិនិត្យពិភាក្សានោះទេ បានបញ្ជាក់ពីតួនាទីដឹកនាំជាគន្លឹះនៃអង្គការសុខភាពពិភពលោកតែមិនមែនស្វែងរកអ្វីផ្សេងទៀតនោះទេ ដែលតម្រូវឱ្យរំលឹកឡើងវិញនិងបូកសរុបនូវបទពិសោធន៍និងមេរៀននៃការងារទប់ទល់នឹងជំងឺឆ្លងក្នុងវិស័យសុខាភិបាលអន្តរជាតិក្រោមការសម្របសម្រួលនៃអង្គការសុខភាពពិភពលោកតែមិនមែនសំដៅចំពោះប្រទេសណាមួយដោយធ្វើការស៊ើបអង្កេតដើម្បីកំណត់ទោសនោះទេ ។ លោកស្នើឱ្យភាគីអូស្ត្រាលីអានអត្ថបទដើមដោយយកចិត្តទុកដាក់ តែមិនមែនធ្វើការសន្និដ្ឋានតាមទំនើងចិត្តនោះទេ ។
