ថ្ងៃទី ១៤ ខែឧសភា ផ្នែកគ្រប់គ្រងអាជីវកម្មនៃធនាគារប្រជាជនចិនបានចេញសេចកី្តប្រកាស អនុញ្ញាតឱ្យចុះបញ្ជីក្រុមហ៊ុនវាយតម្លៃឥណទាន Fitch Ratings Bohua ដែលជាក្រុមហ៊ុនវាយតម្លៃឥណទានរបស់ក្រុមហ៊ុន Fitch Ratings អាមេរិកឱ្យដំណើរការអាជីវកម្មនៅប្រទេសចិន ។ នៅថ្ងៃដដែល សមាគមពាណិជ្ជករនៃទីផ្សារអន្តរធនាគារនៃប្រទេសចិនក៏បានចេញសេចកី្តប្រកាស ទទួលយកការចុះបញ្ជីរបស់ក្រុមហ៊ុនវាយតម្លៃឥណទាន Fitch Ratings Bohua ដែលអាចប្រកបអាជីវកម្មវាយតម្លៃប័ណ្ណបំណុលមួយចំនួនក្នុងទីផ្សារប័ណ្ណបំណុលអន្តរធនាគារចិន ។
ការបើកចំហមុខរបរវាយតម្លៃឥណទានជាចំណែកសំខាន់នៃការបើកចំហមុខរបរហិរញ្ញវត្ថុរបស់ចិនចំពោះបរទេស មានអំណោយផលដល់ការជំរុញឱ្យមុខរបរវាយតម្លៃឥណទាននិងទីផ្សារហិរញ្ញវត្ថុមានកម្រិតកាន់តែខ្ពស់និងអភិវឌ្ឍជាទៅរកអន្តរតូបនីយកម្ម ។ ក្រុមហ៊ុន Fitch Ratings អាចចូលក្នុងទីផ្សារវាយតម្លៃឥណទាននៃប្រទេសចិន គឺជាវិធានការមួយទៀតដែលប្រទេសចិនពង្រីកការបើកចំហដោយម្ចាស់ការនូវមុខរបរហិរញ្ញវត្ថុចំពោះបរទេស ហើយក៏ជាការអនុវត្តជាក់ស្តែងនៃកិច្ចព្រមព្រៀងសេដ្ឋកិច្ចនិងពាណិជ្ជកម្មរវាងចិននិងអាមេរិកនៅដំណាក់កាលទីមួយផងដែរ ៕
