នៅយប់ថ្ងៃទី ១៣ ខែឧសភា លោកស៊ី ជីនភីង ប្រធានរដ្ឋចិនបានជួបសន្ទនាតាមទូរសព័្ទជាមួយលោក Gotabhaya Rajapaksa ប្រធានាធិបតីស្រីលង្កា ។
ក្នុងកិច្ចសន្ទនា លោកស៊ី ជីនភីងបានថ្លែងថា ក្នុងគ្រាដ៏សំខាន់ដែលប្រទេសចិនប្រយុទ្ធប្រឆាំងនឹងជំងឺCOVID-19 គ្រប់មជ្ឈដ្ឋានក្នុងសង្គមស្រីលង្កាបានផ្តល់ការគាំទ្រយ៉ាងសកម្មដល់ប្រទេសចិន គឺជារឿងគួរឱ្យរំភើបចិត្តណាស់ ។ ភាគីចិនរីករាយបន្តផ្តល់ការគាំទ្រយ៉ាងមុតមាំនិងជំនួយឧបត្ថម្ភដោយអស់ពីលទ្ធភាពរបស់ខ្លួនតបតាមតម្រូវការរបស់ភាគីស្រីលង្កា ។
លោកស៊ី ជីនភីងបានគូសបញ្ជាក់ថា ក្រោមបុរេល័ក្ខខ័ណ្ឌនៃការធានាដល់ការងារបង្ការនិងគ្រប់គ្រងជំងឺឆ្លង ភាគីទាំងពីរចិននិងស្រីលង្កាគួររៀបចំឡើងវិញជាបណ្តើរៗនូវកិច្ចសហប្រតិបត្តិការដ៏ប្រាកដប្រជាលើគ្រប់វិស័យ ជំរុញការអនុវត្តគម្រោងសហប្រតិបត្តិការសំខាន់ៗដោយមានរបៀបរៀបរយ ព្រមនិងជំរុញកិច្ចកសាង”ខ្សែក្រវាត់និងផ្លូវ”ដែលប្រកបដោយគុណភាពខ្ពស់ ដែលនឹងជួយជំរុញសេដ្ឋកិច្ចស្រីលង្កាឱ្យងើបឡើងវិញ ។
ជាការឆ្លើយតប លោក Gotabhaya Rajapaksaបានថ្លែងថា លោកសូមកោតសរសើរលោកស៊ី ជីនភីងដែលបានលើកឡើងនូវទស្សនៈស្តីពីសហគមន៍រួមវាសនារបស់មនុស្សជាតិ ព្រមនិងឯកភាពលើការគាំទ្រអង្គការសុខភាពពិភពលោកឱ្យដើរតួនាទីដឹកនាំក្នុងកិច្ចសហប្រតិបត្តិការអន្តរជាតិផ្នែកការប្រយុទ្ធប្រឆាំងនឹងជំងឺឆ្លង ។ ភាគីស្រីលង្ការីករាយពង្រឹងនិងពង្រីកកិច្ចផ្លាស់ប្តូរនិងកិច្ចសហប្រតិបត្តិការជាមួយភាគីចិនលើវិស័យសេដ្ឋកិច្ច ពាណិជ្ជកម្ម ទេសចរណ៍ និងហេដ្ឋារចនាសម្ព័ន្ធជាដើម ព្រមនិងជំរុញឱ្យមានភាពរលូននូវការអនុវត្តគម្រោងសហប្រតិបត្តិការសំខាន់ៗនៃ”ខ្សែក្រវាត់និងផ្លូវ”ដូចជាគម្រោងក្រុងកំពង់ផែកូឡុំបូជាដើម ៕
