ថ្ងៃទី ១៣ ខែឧសភា លោក លីខឺឈាង នាយករដ្ឋមន្ត្រីចិនបានធ្វើជាអធិបតីក្នុងកិច្ចប្រជុំអនិច្ត្រៃយ៍នៃក្រុមប្រឹក្សាកិច្ចការរដ្ឋចិន ដើម្បីរៀបចំចាត់ចែងឱ្យបានល្អនូវការងាររបស់គ្រប់ក្រសួង-ស្ថាប័នក្នុងការស្តាប់មតិយោបល់និងស្នើរបស់អ្នកតំណាងនៃសភាតំណាងប្រជាជនទូទាំងប្រទេសនិងសមាជិកនៃសភាប្រឹក្សានយោបាយទូទាំងប្រទេសចិនក្នុងអំឡុងពេលបើកធ្វើមហាសន្និបាតនៃសភាទាំងពីរឆ្នាំនេះ ហើយតម្រូវឱ្យផ្តោតសំខាន់ទៅលើការធានា៦ចំណុចដើម្បីរក្សាស្ថិរភាពលើ៦ចំណុច ក្នុងន័យធ្វើឱ្យសេដ្ឋកិច្ចមានស្ថិរភាពជាមូលដ្ឋាន ។
កិច្ចប្រជុំអចិន្ត្រៃយ៍លើកនេះបានប្រកាសថា ក្នុងអំឡុងពេលបើកធ្វើមហាសន្និបាតនៃសភាទាំងពីរប្រចាំឆ្នាំ អ្នកទទួលខុសត្រូវនៃគ្រប់ក្រសួង-ស្ថាប័ននៃក្រុមប្រឹក្សាកិច្ចការរដ្ឋចិនត្រូវមានវត្តមានក្នុងសន្និសីទពាក់ព័ន្ធនៃសភាតំណាងប្រជាជននិងសភាប្រឹក្សានយោបាយ ដើម្បីស្តាប់មតិយោបល់និងសំណើស្តីពីការងាររដ្ឋាភិបាលពីសំណាក់តំណាងប្រជាជននិងសមាជិកសភាប្រឹក្សានយោបាយ ព្រមនិងឆ្លើយតបវិញភ្លាមៗ ។
កិច្ចប្រជុំលើកនេះបានគូសបញ្ជាក់ថា ឆ្នាំនេះ ប្រឈមនឹងការលំបាកនិងឧបសគ្គ ដែលមិនធ្លាប់មាន ត្រូវធ្វើឱ្យបានល្អនិងប្រាកដប្រជានូវការងាររក្សាស្ថិរភាពលើ៦ចំណុច អនុលោមតាមការរៀបចំចាត់ចែងរបស់មជ្ឈិមបក្សកុម្មុយនិស្តចិន និងក្រុមប្រឹក្សាកិច្ចការរដ្ឋចិន ត្រូវអនុវត្តនិងសម្រេចការងាររក្សាស្ថិរភាពលើ៦ចំណុច ពោលគឺធានាឱ្យប្រជាពលរដ្ឋមានការងារធ្វើ ធានាជីវភាពរស់នៅជាមូលដ្ឋានរបស់ប្រជាពលរដ្ឋ ធានាតួអង្គសំខាន់ៗនៃចាត់ទីផ្សារ ធានាសន្តិសុខស្បៀងអាហារនិងថាមពល ធានាស្ថិរភាពខ្សែសង្វាក់ឧស្សាហកម្មនិងខ្សែសង្វាក់ផ្គត់ផ្គង់ ព្រមនិងធានាការបំពេញការងារជាធម្មតានៅតាមមូលដ្ឋាន ៕