នៅថ្ងៃទី ២៩ ខែមីនា កម្មវិធី “បន្ទប់ពិគ្រោះករណីជំងឺឆ្លងជាសកល ” នៃបណ្តាញទូរទស្សន៍អន្តរជាតិចិនបានផលិតកម្មវិធីពិសេសសម្រាប់ធ្វើការផ្លាស់ប្តូរលើវិស័យពេទ្យចិនសែវគ្គទី៣ ដោយបានអញ្ជើញអ្នកជំនាញពេទ្យចិនសែល្បីៗ៦រូបធើ្វការពិគ្រោះពិភាក្សាតាមវីដេអូខុនហ្វើរិនជាមួយអ្នកជំនាញនៃប្រទេសអាហ្វហ្គានីស្ថាន អ៊ីរ៉ង់ ប៉ាគីស្ថាន អាមេរិក លីបង់ជាដើម ក្នុងន័យបង្ហាញជូនយ៉ាងលម្អិតអំពីតួនាទីរបស់ពេទ្យចិនសែក្នុងការប្រយុទ្ធប្រឆាំងនឹងករណីជំងឺកូវីដ-19 ដូចជាការធ្វើរោគវិនិច្ឆ័យនិងរបៀបព្យាបាល និងវិធីព្យាបាលរោគតាមរយៈការគួបផ្សំគ្នារវាងវេជ្ជសាស្ត្រប៉ែកខាងលិចនិងពេទ្យចិនសែជាដើម ។
សូមបញ្ជាក់ថា កម្មវិធី “បន្ទប់ពិគ្រោះករណីជំងឺឆ្លងជាសកល ” នៃបណ្តាញទូរទស្សន៍អន្តរជាតិចិនជាវេទិកាសម្រាប់គ្រូពេទ្យចិនដែលបានចូលរួមការព្យាបាលជំងឺកូវីដ-១៩នៅក្រុងវូហាន ធ្វើការផ្លាស់ប្តូរនិងកិច្ចសហប្រតិបតិ្តការជាមួយគ្រូពេទ្យអន្តរជាតិ ដូច្នេះទទួលបានការចាប់អារម្មណ៍យ៉ាងទូលំទូលាយពីសហគមន៍អន្តរជាតិ ។ គិតរហូតដល់ថ្ងៃទី ២៧ ខែមីនា នៅលើពិភពលោក មានមនុស្សចំនួន៥៤លាន៥សែន១ម៉ឺននាក់បានចូលទស្សនាទំព័រកម្មវិធីពិសេសមួយនេះ មនុស្សជិត២០លាននាក់បានទស្សនាវីដេអូឃ្លីប ហើយអ្នកបញ្ចេញមតិយោបល់មានចំនួនជាង ២៣ម៉ឺននាក់ ៕