ពេលកន្លងទៅថ្មីៗនេះ លោក Ben Rhodesអតីតឧបការីរងទទួលបន្ទុកសន្តិសុខជាតិអាមេរិកបានរិះគន់ទៅលើសកម្មភាពបន្តុះបង្អាប់ប្រទេសចិនរបស់អ្នកនយោបាយអាមេរិកមួយចំនួនដែលមានលោក Pompeo រដ្ឋមន្រ្តីការបរទេសអាមេរិកជាអ្នកនាំអាទិ៍។លោក Ben Rhodes បានចង្អុលបង្ហាញថា លើពិភពលោកទាំងមូល គ្មានប្រទេសណាដែលបានហៅវីរុសកូវីដ១៩ថាជា”វីរុសចិន”ឬ”វីរុសវូហាន់”នោះទេ ។
លោក Pompeo បានបន្តុះបង្អាប់ប្រទេសចិននៅគ្រប់ទីកន្លែងទាំងលើវេទិកាជាតិនិងអន្តរជាតិ ព្រមទាំងប្រឌិតនិងផ្សព្វផ្សាយពាក្យចចាមអារ៉ាមប្រកបដោយឧបាយកលស្តីពីការរីលដាលនៃវីរុសកូវីដ១៩។ពាក្យសម្តីដែលពោរពេញទៅដោយគំនិតសង្រ្គាមត្រជាក់និងទស្សនៈលំអៀងខាងមនោគមវិជ្ជារបស់លោក Pompe ធ្វើឱ្យពិភពលោកភ្ញាក់ផ្អើលយ៉ាងខ្លាំង ហើយក៏បានបង្កើតជាឧបសគ្គរំខានយ៉ាងខ្លាំងចំពោះកិច្ចសហប្រតិបត្តិការក្នុងការទប់ទល់នឹងជំងឺឆ្លងនៅលើពិភពលោកទាំងមូលនាពេលបច្ចុប្បន្នផងដែរ ។
មានបញ្ញវន្តសិក្សាអំពីបញ្ហាអន្តរជាតិជាច្រើនរូបបានវិភាគថា លោកប៉ុមប៉េអូបានខំធ្វើឱ្យខ្លួនឯងទៅជាបក្សពួកមានឥរិយាបថខ្លាំងចំពោះប្រទេសចិន គឺក្នុងគោលបំណងបំពេញតាមតម្រូវការរបស់ក្រុមផលប្រយោជន៍ពិសេសមួយចំនួនដើម្បីបម្រើផលប្រយោជន៍ធំបំផុតរបស់ខ្លួនក្នុងការប្រកួតប្រជែងជាមួយនយោបាយពហុភាគីអាមេរិកដែលមានភាពមិនប្រាកដប្រជា សំដៅទទួលបានមូលធនកាន់តែច្រើនដើម្បីសម្រេចមហិច្ឆតានយោបាយដែលអាចឈានដល់ការឡើងកាន់តំណែងជាប្រធានាធិបតី។
បច្ចុប្បន្ននេះ ការទប់ទល់នឹងករណីរីករាលដាលនសជំងឺកូវីដ១៩គឺមានភាពបន្ទាន់ណាស់ដោយបានឈានចូលដំណក់កាលមហន្តរាយយ៉ាងធ្ងន់ធ្ងរ បើនៅតែបណ្តែតបណ្តោយឱ្យលោកប៉ុមប៉េអូយកផលប្រយោជន៍សាធារណៈរបស់អាមេរិកទៅសម្រេចផលប្រយោជន៍នយោបាយផ្ទាល់ខ្លួន នោះអាមេរិកនឹងត្រូវបង់តម្លៃយ៉ាងខ្ពស់សម្រាប់ប្រការនេះ ហើយក៏នឹងកាន់តែឯកោទៅៗផងដែរ៕