កាលពីថ្ងៃទី២៨ខែមីនាម៉ោង១៨និង២នាទីតាមម៉ោងតំបន់ភាគខាងកើតអាមេរិក ករណីវិនិច្ឆ័យជំងឺកូវីដ១៩នៃអាមេរិកមាន១២១១១៧ករណី ករណីស្លាប់២០១០នាក់ ករណីជំងឺកូវីដ១៩ថ្មីលើសពី២ម៉ឺនករណីក្នុង១ថ្ងៃ តាមតួលេខស្ថិតិនៃប្រព័ន្ធពិនិត្យជំងឺឆ្លងនៃសកលវិទ្យាល័យJohnsHopkinsអាមេរិកបានបង្ហាញថា ចំនួនករណីជំងឺកូវីដ១៩ថ្មីនៃអាមេរិកបានលើសពី១ម៉ឺននាក់ក្នុង១ថ្ងៃ៥ថ្ងៃជាប់។
តើហេតុអ្វីបានជាករណីវិនិច្ឆ័យជំងឺកូវីដ១៩នៃអាមេរិកកើនឡើងយ៉ាងខ្លាំង ?តាមការផ្សាយរបស់ប្រព័ន្ធសារព័ត៌មានអាមេរិកបានលាតត្រដាងនូវមូលហេតុនាពេលកន្លងទៅនេះដូចខាងក្រោម៖
ទី១ប្រព័ន្ធការបង្ការនិងគ្រប់គ្រងជំងឺឆ្លងនៃប្រទេសអាមេរិកត្រូវបានលុបចោល។
ទី២ថវិកានៃស្ថាប័នសុខាភិបាលជាច្រើនត្រូវបានកាត់បន្ថយ កង្វះប្រាក់បានធ្វើឱ្យស្ថាប័នមានពាក់ព័ន្ធដំណើរការមិនបាន។
ទី៣លោកប្រធានាធិបតីត្រាំអសមត្ថភាពក្នុងការបង្ការនិងគ្រប់គ្រងជំងឺឆ្លង។
ការវិភាគនៃទូរទស្សន៍CNNអាមេរិកបានវែកញែកថា លោកត្រាំត្រូវទទួលខុសត្រូវដោយផ្ទាល់ចំពោះសភាពការណ៍ខ្វះសម្ភារៈវេជ្ជសាស្រ្តនិងអសមត្ថភាពក្នុងការបង្ការនិងគ្រប់គ្រងជំងឺកូវីដ១៩។តាមលទ្ធផលសិក្សាស្រាវជ្រាវថ្មីបំផុតនៃសកលវិទ្យាល័យវ៉ាស៊ីនតោនបានបង្ហាញថា អាមេរិកប្រហែលនឹងមានមនុស្សច្រើននាក់ស្លាប់ដោយសារឆ្លងជំងឺកូវីដ១៩នៅខែកក្កដាខាងមុខទោះជាចាត់វិធានការបង្ការនិងគ្រប់គ្រងជំងឺយ៉ាងវិជ្ជមានក៏ដោយ។