គណៈកម្មាធិការកិច្ចការបរទេសនៃសភាតំណាងប្រជាជនទូទាំងប្រទេសចិនបានចេញសេចក្តីថ្លែងការណ៍មួយកាលពីថ្ងៃទី ២៧ ខែមីនា ស្តីពីការដែលអាមេរិកចុះហត្ថលេខាលើអ្វីដែលហៅថា "គម្រោងច្បាប់តៃប៉ីឆ្នាំ ២០១៩ "ឱ្យទៅជាច្បាប់។សេចក្តីថ្លែងការណ៍នេះបានបញ្ជាក់ថា កាលពីថ្ងៃទី ២៦ ខែមីនា តាមម៉ោងនៅក្នុងតំបន សហរដ្ឋអាមេរិកបានចុះហត្ថលេខាលើអ្វីដែលហៅថា "គម្រោងច្បាប់តៃប៉ីឆ្នាំ ២០១៩ "ឱ្យទៅជាច្បាប់ទោះបីជាមិនអើពើការតវ៉ាយ៉ាងម៉ឺងម៉ាត់ជាច្រើនលើករបស់ប្រទេសចិនក៏ដោយ។ទង្វើនេះបានល្មើសយ៉ាងធ្ងន់ធ្ងរនូវគោលការណ៍ប្រទេសចិនមួយនិងសេចក្តីថ្លែងការណ៍រួម ៣ រវាងចិននិងអាមេរិក បានល្មើសយ៉ាងធ្ងន់ធ្ងរនូវច្បាប់អន្តរជាតិនិងបទដ្ឋានមូលដ្ឋាននៃទំនាក់ទំនងអន្តរជាតិនិងជ្រៀតជ្រែកយ៉ាងកម្រោលនូវកិច្ចការផ្ទៃក្នុងនៃប្រទេសចិន គឺបានបញ្ចេញសញ្ញាខុសឆ្គងដល់កម្លាំងបំបែកបំបាក់ចង់ឱ្យតៃវ៉ាន់ឯករាជ្យ។សភាតំណាងប្រជាជនទូទាំងប្រទេសចិនបានសម្តែងការមិនពេញចិត្តយ៉ាងខ្លាំងនិងប្រឆាំងជាដាច់ខាតចំពោះការនេះ។ បញ្ហាតៃវ៉ាន់ទាក់ទងនឹងអធិបតេយ្យភាពជាតិនិងបូរណភាពទឹកដីរបស់ចិន ហើយជាផលប្រយោជន៍ស្នូលរបស់ចិន។ប្រទេសចិនដាស់តឿនយ៉ាងខ្លាំងក្លាដល់សហរដ្ឋអាមេរិកឱ្យគោរពតាមគោលការណ៍ប្រទេសចិនមួយនិងសេចក្តីថ្លែងការណ៍រួម ៣ រវាងចិននិងអាមេរិក មិនត្រូវអនុវត្តច្បាប់នេះនិងដោះស្រាយបញ្ហាតៃវ៉ាន់ដោយមធ្យ័ត ហើយធ្វើសកម្មភាពជាក់ស្តែងដើម្បីធានារក្សានូវស្ថានការណ៍ទូទៅនៃទំនាក់ទំនងរវាងចិននិងអាមេរិកព្រមទាំងសន្តិភាពនិងស្ថិរភាពនៅតាមបណ្តោយច្រកសមុទ្រតៃវ៉ាន់៕