កាលពីយប់ថ្ងៃទី ២៦ ខែមីនា តាមម៉ោងនៅទីក្រុងប៉េកាំង ក្នុងសន្និសីទកំពូលពិសេសនៃមេដឹកនាំប្រទេសG20ស្តីពីការប្រយុទ្ធប្រឆាំងនឹងជំងឺកូវីដ ១៩ លោក ស៊ីជីនភីង ប្រធានរដ្ឋចិនបានអំពាវនាវដល់គ្រប់ភាគីទាំងអស់ឱ្យប្រឈមមុខនឹងបញ្ហាប្រឈមនិងធ្វើសកម្មភាពឱ្យបានឆាប់ៗនៅគ្រាសំខាន់។
នៅឯសន្និសីទកំពូលពិសេសនេះ លោកប្រធានរដ្ឋចិន ស៊ីជីនភីង និងមេដឹកនាំនៃបណ្តាប្រទេសជាសមាជិកក្រុម G20 បានធ្វើការទាក់ទងនិងសម្របសម្រួលបន្ទាន់ស្តីពីស្ថានភាពនៃការរាតត្បាតនៃជំងឺនេះដ៏ធ្ងន់ធ្ងរនៅទូទាំងពិភពលោក។ក្នុងនោះ គំនិតផ្តួចផ្តើម ៤ ចំណុចរបស់លោក ស៊ីនជីនភីង ប្រធានរដ្ឋចិនត្រូវបានយកចិត្តទុកដាក់យ៉ាងខ្លាំងពីសហគមន៍អន្តរជាតិ។
ខណៈពេលលោក ស៊ីជីនភីង បានទាក់ទងយ៉ាងជិតស្និទ្ធជាមួយមេដឹកនាំនៃបណ្តាប្រទេសជាច្រើនលើបញ្ហាបង្ការនិងគ្រប់គ្រងការរាតត្បាតនៃជំងឺនេះ ប្រទេសចិនក៏បានផ្តល់ជំនួយយ៉ាងសកម្មតាមសមត្ថភាពរបស់ខ្លួនដល់បណ្តាប្រទេសដទៃទៀតដែលកំពុងមានសេចក្តីត្រូវការ។រហូតមកដល់បច្ចុប្បន្ននេះ រដ្ឋាភិបាលចិនបានប្រកាសថា ផ្តល់ជំនួយបន្ទាន់ដល់ប្រទេសចំនួន ៨៩ ក៏ដូចជាអង្គការអន្តរជាតិនិងតំបន់ចំនួន ៤ រួមទាំងអង្គការសុខភាពពិភពលោកនិងសម្ព័ន្ធអាហ្រ្វិកជាដើម ហើយបានផ្តល់ថវិកាចំនួន ២០ លានដុល្លារអាមេរិកដល់អង្គការសុខភាពពិភពលោកដើម្បីគាំទ្រដល់កិច្ចសហប្រតិបត្តិការអន្តរជាតិក្នុងការប្រយុទ្ធប្រឆាំងនឹងការរាតត្បាតនៃជំងឺនេះ។រដ្ឋបាលតំបន់ សហគ្រាសនិងស្ថាប័នឯកជននៃប្រទេសចិនក៏បានជួយបណ្តាប្រទេសដែលមានការរីករាលដាលដ៏ធ្ងន់ធ្ងរនៃជំងឺកូវីដ ១៩ ផងដែរ៕