កាលពីយប់ថ្ងៃទី ២៧ ខែមីនា លោកស៊ីជីនភីងប្រធានរដ្ឋចិនបាននិយាយទូរសព្ទជាមួយព្រះអង្គSalman bin Abdulaziz Al Saud ព្រះមហាក្សត្រអារ៉ាប៊ីសាអូឌីត ។
លោកស៊ីជីនភីងបានសង្កត់ធ្ងន់ថា សន្និសីទកំពូលពិសេសនៃមេដឹកនាំប្រទេសG20ស្តីពីការទប់ទល់នឹងជំងឺកូវីដ១៩បានឈានដល់មតិឯកភាពដ៏សំខាន់សម្រាប់សាមគ្គីគ្នាប្រយុទ្ធប្រឆាំងនឹងជំងឺកូវីដ១៩ និងលំនឹងសេដ្ឋកិច្ចពិភពលោក ។ មេរោគគ្មានព្រំដែនទេ មានតែសហគមន៍អន្តរជាតិរួមសហការគ្នាប្រយុទ្ធប្រឆាំង ទើបអាចយកជ័យជំនះបាន ។ ប្រទេសជាសមាជិកG20គួរតែប្រកាន់ទស្សនៈសហគមន៍រួមវាសនានៃមនុស្សលោក បង្កើនសាមគ្គីភាព ការសម្របសម្រួលនិងកិច្ចសហប្រតិបត្តិការ ទប់ស្កាត់ការរីករាលដាលនៃជំងឺឆ្លងដោយម៉ឺងម៉ាត់ លំនឹងសេដ្ឋកិច្ចពិភពលោកដោយពេញទំហឹង ។
ព្រះអង្គSalman bin Abdulaziz Al Saud បានមានព្រះបន្ទូលថា រដ្ឋាភិបាលចិនបានចាត់វិធានការម៉ឺងម៉ាត់និងខ្លាំងក្លា គ្រប់គ្រងការរីករាលដាលនៃជំងឺកូវីដ១៩ដោយជោគជ័យ ។ ខ្ញុំសូមកោតសរសើរនិងជូនពរអស់ពីដួងចិត្ត ។ ភាពជោគជ័យនៃប្រទេសចិនបានបញ្ចេញសញ្ញាវិជ្ជមានដល់ពិភពលោកទាំងមូល ។ ប្រជាជនអារ៉ាប៊ីសាអូឌីតនឹងឈរជាមួយប្រទេសចិនយ៉ាងរឹងមាំជាប់ជានិច្ច ។ ភាគីអារ៉ាប៊ីសាអូឌីតសង្ឃឹមអាចរៀនសូត្រតាមបទបិសោធន៍ជោគជ័យនៃប្រទេសចិន ៕
