ថ្ងៃទី២៦ខែមីនា ការិយាល័យព័ត៌មាននៃក្រុមប្រឹក្សាកិច្ចការរដ្ឋចិ នបានបើកធ្វើសន្និសីទសារព័ត៌មានមួយនៅក្រុងប៉េកាំង ។
លោក Xu Nanping អនុរដ្ឋមន្ត្រីក្រសួងវិទ្យាសាស្ត្រនិងបច្ចេកវិទ្យាចិនបានថ្លែងថា ចាប់តាំងពីផ្ទុះជំងឺ COVID-19 មក ភាគីចិនបានចែករំលែកទិន្នន័យវិទ្យាសាស្ត្រ លទ្ធផលបច្ចេកវិទ្យា និងយុទ្ធសាស្ត្របង្ការនិងគ្រប់គ្រងជាមួយនឹងមជ្ឈដ្ឋានវិទ្យាសាស្ត្រនិងបច្ចេកវិទ្យាទូទាំងពិភពលោក បានទាន់ពេលវេលា ផ្តល់មូលដ្ឋានដ៍សំខាន់ដល់អ្នកវិទ្យាសាស្ត្រទូទាំងពិភពលោកសម្រាប់ធ្វើការស្រាវជ្រាវឱសថ វ៉ាក់សាំងនិងការវិនិច្ឆ័យ ។ ប្រទេសចិនបានជ្រើសរើសនិងវាយតម្លៃ ចំពោះថ្នាំព្យាបាលជំងឺ ដែលមានប្រសិទ្ធភាពដូចជាថ្នាំ Favipiravir ថ្នាំ Tocilizumab និងថ្នាំចិនសែមួយចំនួន បានបង្កើតផែនការព្យាបាលសម្រាប់អ្នកជំងឺក្នុងដំណាក់កាលខុសគ្នា និងបង្កើតប្រព័ន្ធពិនិត្យតាមដានក្នុងរយៈពេលដ៏ខ្លី ។
លោកក៍បានឧទ្ទេសនាមថា ប្រទេសចិនកំពុងជំរុញការស្រាវជ្រាវវ៉ាក់សាំងយ៉ាងសកម្ម ។ ប្រទេសចិន បានទទួលសំណើ និងគំនិត ស្តីពីកិច្ចសហប្រតិបត្តិការ ពីសមភាគីអន្តរជាតិ ជារៀងរាល់ថ្ងៃ ដែលគួរឱ្យរំភើបចិត្តខ្លាំងណាស់៕
