កាលពីថ្ងៃទី២៤ខែមីនា ក្រុមស្រាវជ្រាវវីរុសCOVID-19 នៃវិទ្យាស្ថាន Imperial College London របស់អង់គ្លេស បានប្រកាសរបាយការណ៍ក្រោមចំណងជើងថា លិខិតបញ្ជាក់ពីការជោគជ័យជំហានដំបូងនៃគោលនយោបាយទប់ស្កាត់នឹងជំងឺ COVID-19 របស់ចិន ។
របាយការណ៍ថ្លែងថា ប្រទេសចិន បានចាត់វិធានការ ដូចជា បម្រាមគោលចរនៅក្នុងសង្គម យ៉ាងតឹងរ៉ឹងបំផុត ដើម្បីទប់ស្កាត់ជំងឺឆ្លង។ បច្ចុប្បន្ននេះ ប្រទេសចិនបានគ្រប់គ្រងការរាតត្បាតនៃវីរុសដោយជោគជ័យ ហើយឆ្ពោះទៅកាន់ដំណាក់កាលថ្មីនៃការអភិវឌ្ឍសង្គម ។ ចំពោះទូទាំងពិភពលោក ចិនបានឋិតក្នុងដំណាក់កាលនាំមុខគេយ៉ាងច្បាស់ក្នុង ការទប់ទល់នឹងជំងឺរាលដាលជាសកល ។ គោលនយោបាយបង្ការនិងគ្រប់គ្រងការរាតត្បាតជំងឺ COVID-19 និងសកម្មភាពយុទ្ធសាស្ត្រ បន្តបន្ទាប់របស់ចិន អាចផ្តល់ជាឯកសារដ៍រឹងមាំសម្រាប់ប្រទេសផ្សេងទៀត ដែលប្រឈមនឹងជំងឺ COVID-19 ។
លោកស្រី Maria Van Kerkhove នាយកបច្ចេកទេសទទួលបន្ទុកកម្មវិធីសុខភាពបន្ទាន់នៃអង្គការសុខភាពពិភពលោកបានថ្លែងកាលពីថ្ងៃទី២៥ខែមីនាថា ប្រទេសចិនបានចាត់វិធានការក្នុងកម្រិតខុសគ្នា នៅក្នុងតំបន់ខុសគ្នា គួរឱ្យពិភពលោករៀនសូត្រតាម ។ ដោយសារប្រព័ន្ធមានពាក់ព័ន្ធបានត្រៀមរួចហើយ អាចវិនិច្ឆ័យនិងអាចញែកចេញពីគ្នាយ៉ាងឆាប់រហ័ស ចំពោះករណីលេចចេញណាមួយ ។ បច្ចុប្បន្ននេះ ប្រទេសចិន គ្មានករណីរាតត្បាតក្នុងដែនដីប្រទេសខ្លួនច្រើនថ្ងៃជាប់មកហើយ ប៉ុន្តែមានករណីចូលពីក្រៅវិញ៕
