នៅថ្ងៃទី ២៥ ខែមីនា លោក Ma Zhaoxu អនុរដ្ឋមន្រ្តីក្រសួងការបរទេសចិនបានណែនាំអំពីការរំពឹងទុករបស់ប្រទេសចិនចំពោះសន្និសីទកំពូលពិសេសនៃមេដឹកនាំប្រទេស G20 ស្តីពីការទប់ទល់នឹងជំងឺកូវីដ-១៩ដែលនឹងប្រារព្ធឡើង នាពេលខាងមុខនេះ។
លោក Ma Zhaoxu បានថែ្លងថា នេះគឺជាសន្និសីទកំពូលនៃមេដឹកនាំដែលធ្វើឡើងតាមរយៈវីដេអូជាលើកដំបូងនៅក្នុងប្រវត្តិសាស្ត្រប្រទេស G20។នាពេលបច្ចុប្បន្ននេះ ជំងឺកូវីដ-១៩ បានផ្ទុះនិងរីករាលដាលនៅតំបន់ជាច្រើនទូទាំងពិភពលោកដោយបង្កផលប៉ះពាល់យ៉ាងធ្ងន់ធ្ងរដល់នយោបាយ សេដ្ឋកិច្ចនិងសង្គម។ក្នុងពេលដ៏សំខាន់នេះ ប្រទេស G20 នឹងរៀបចំសន្និសីទកំពូលពិសេសមួយដើម្បីធ្វើការផ្លាស់ប្តូរនិងសម្របសម្រួលចំពោះការទប់ទល់នឹងការរីករាលដាលនៃជំងឺនេះនិងរក្សាស្ថិរភាពនៃសេដ្ឋកិច្ចពិភពលោកដែលមានសារៈសំខាន់យ៉ាងខ្លាំង។
លោក Ma Zhaoxu បានថែ្លងបន្តថា ការចូលរួមរបស់លោក ស៊ីជីនភីង ប្រធានរដ្ឋចិននៅឯសន្និសីទកំពូលពិសេសបានបង្ហាញពីទំនួលខុសត្រូវរបស់ប្រទេសចិនដែលជាប្រទេសដ៏សំខាន់មួយក្នុងការជំរុញកិច្ចសហប្រតិបត្តិការអន្តរជាតិដើម្បីប្រយុទ្ធប្រឆាំងនឹងការរីករាលដាលនៃជំងឺនេះ។ប្រទេសចិនមានការរំពឹងទុកដូចខាងក្រោម៖ ពង្រឹងសាមគ្គីភាព ពង្រឹងកិច្ចសហប្រតិបត្តិការនិងពង្រឹងការសម្របសម្រួល។ប្រទេសចិននឹងផ្តល់ភាពងាយស្រួលដល់ការទិញទំនិញសម្រាប់បណ្តាប្រទេសផ្សេងៗនៅក្នុងប្រទេសចិន ហើយទន្ទឹងរង់ចាំគ្រប់ភាគីទាំងអស់ជំរុញការបើកទូលាយនៃទីផ្សារនិងធានានូវការបើកទូលាយ ស្ថិរភាព សុវត្ថិភាពនិងដំណើរការយ៉ាងរលូននូវខ្សែសង្វាក់ផ្គត់ផ្គង់ទូទាំងពិភពលោក៕