តាមដំណឹងពីសន្និសីទសារព័ត៌មាននៃក្រុមប្រឹក្សាកិច្ចការរដ្ឋចិនដែលធ្វើនៅថ្ងៃទី២១ខែមីនាឱ្យដឹងថា គិតទល់ថ្ងៃទី២០ខែមីនា អត្រាស្តារការសាងសង់ឡើងវិញនៃគម្រោងសំខាន់ៗចំនួនប្រមាណ១ម៉ឺន១ពាន់នៃបណ្តាខេត្តនានាប្រទេសចិន ក្រៅពីខេត្តហ៊ូប៉ីគឺ៨៩.១%។
លោកOuHongប្រធាននាយកដ្ឋានវិនិយោគនៃគណៈកម្មាធិការជាតិអភិវឌ្ឍន៍និងកំណែទម្រង់ចិនបានថ្លែងថា គម្រោងផ្លូវដែកសំខាន់ៗបានស្តារការសាងសង់ឡើងវិញជាមូលដ្ឋាន អត្រាស្តារការសាងសង់ឡើងវិញនៃគម្រោងផ្លូវថ្នល់និងគម្រោងនាវាចរណ៍សំខាន់ៗគឺ៩៧% គម្រោងផ្លូវថ្នល់សំខាន់ៗមួយចំនួនដូចជាផ្លូវថ្នល់ល្បឿនលឿនពីប៉េកាំងទៅXiongAnជាដើមបានស្តារការសាងសង់ឡើងវិញ ព្រមទាំងបានពន្លឿនដំណើរសាងសង់។ អត្រាស្តារការសាងសង់ឡើងវិញនៃគម្រោងព្រលានយន្តហោះគឺ៨៧% ។ គម្រោងថាមពលសំខាន់ៗបានស្តារការសាងសង់ឡើងវិញជាមូលដ្ឋាន វិស្វកម្មកំណាត់កណ្តាលនៃបំពង់បង្ហូរឧស្ម័នធម្មជាតិ ខ្សែខាងកើតរវាងចិននិងរុស្ស៊ីបានស្តារការសាងសង់ឡើងវិញ។ គម្រោងទុនបរទេសសំខាន់ៗក៏បានស្តារការសាងសង់ឡើងវិញផងដែរ បន្ទាប់ពីបានស្តារការសាងសង់ឡើងវិញនាថ្ងៃទី១៧ខែកុម្ភៈ គម្រោងរោងចក្រទី៣នៃBMW Brillianceក្រុងShenYangដែលជាមូលដ្ឋានបង្កបង្កើតផលធំជាងគេលើពិភពលោកទាំងមូលរបស់BMWក៏កំពុងជំរុញកិច្ចកសាងយ៉ាងមមាញឹកផងដែរ ៕