ថ្ងៃទី២០ ខែមីនា តាមម៉ោងក្នុងតំបន់ លោកTedros Adhanom Ghebreyesusអគ្គនាយកអង្គការសុខភាពពិភពលោកបានថ្លែងនៅក្នុងសន្និសីទសារព័ត៌មានអំពីជំងឺCovid-19ដែលរៀបចំធ្វើនៅក្រុងហ្សឺណែវថា អង្គការសុខភាពពិភពលោកទទួលបានរបាយការណ៍ថា មានករណីឆ្លងជំងឺCovid-19ជាង២សែន១ម៉ឺនករណីនិងស្លាប់ជាង៩០០០នាក់នៅទូទាំងពិភពលោក តែក្រុងវូហានប្រទេសចិនគ្មានករណីឆ្លងថ្មីទេ នេះជាការផ្តល់នូវសេចក្តីសង្ឃឹមនិងភាពក្លាហានដល់តំបន់ផ្សេងទៀតលើពិភពលោក ក៏បង្ហាញថា សភាពការណ៍ធ្ងន់ធ្ងរបំផុតក៏នៅតែអាចបង្វែរបាន។
លោកMichael Ryanអ្នកទទួលបន្ទុកកម្មវិធីសុខាភិបាលជាបន្ទាន់នៃអង្គការសុខភាពពិភពលោកបានថ្លែងថា ការគ្មានករណីឆ្លងថ្មីនៃជំងឺCovid-19នៅក្រុងវូហានជាព័ត៌មានប្រកបដោយសេចក្តីសង្ឃឹម នេះបានបង្ហាញថា វីរុសCovid-19គឺអាចគ្រប់គ្រងបានអាចកាត់ផ្តាច់ខ្សែសង្វាក់ចម្លងបានបាន ដូច្នេះ សង្គមទាំងមូលត្រូវធ្វើកិច្ចខិតខំប្រឹងប្រែងរួម សាមគ្គីគ្នានិងត្រូវការមានបុគ្គលិកពេទ្យដែលមានភាពក្លាយហាននិងខ្សែសង្វាក់ផ្គត់ផ្គង់ដ៏មានប្រសិទ្ធភាព។
លោកTedros Adhanom Ghebreyesusក៏បានគូសបញ្ជាក់ថា បច្ចុប្បន្ន ពិភពលោទាំងមូលនៅតែខ្វះខាតសម្លៀកបំពាក់ការពារវីរុស អង្គការសុខភាពពិភពលោកនឹងផ្តល់ការគាំទ្រដល់ប្រទេសនានា។អង្គការសុខភាពពិភពលោកបានទាក់ទងជាមួយ សហគ្រាសផ្គត់ផ្គង់មួយចំនួនរបស់ប្រទេសចិនដែលយល់ព្រមផ្គត់ផ្គង់សម្ភារៈពាក់ព័ន្ធដល់អង្គការសុខភាពពិភពលោកនិងកំពុងឈានដល់ការងារលម្អិតចុងក្រោយ៕
