តាមទិន្នន័យដែលប្រកាសដោយសកលវិទ្យាល័យ Johns Hopkins នៅសហរដ្ឋអាមេរិកឱ្យដឹងថា គិតត្រឹមវេលាម៉ោង១៥កាលពីថ្ងៃទី១៤ ខែមីនាតាមម៉ោងនៅភាគខាងកើតសហរដ្ឋអាមេរិក ចំនួនអ្នកឆ្លងជំងឺ COVID-19 របស់សហរដ្ឋអាមេរិកបានឡើងដល់២៥៦៩ករណី ក្នុងនោះ អ្នកស្លាប់គឺ៥១នាក់ ។ តាមការផ្សាយនៃស្ថានីយទូរទស្សន៍ CNBC របស់អាមេរិកបានឱ្យដឹងថា លទ្ធផលនៃការធ្វើតេស្តរកជំងឺ COVID-19 លើលោកត្រាំ ប្រធានាធិបតីអាមេរិកគឺអវិជ្ជមាន ។
អ្នកនាំពាក្យរងនៃសេតវិមានបានថ្លែងថា ដើម្បីជាការប្រុងប្រយ័ត្ន សេតវិមាននឹងធ្វើការពិនិត្យសីតុណ្ហភាពរាងកាយលើមនុស្សដែលទាក់ទងជិតស្និទ្ធជាមួយនឹងលោកត្រាំ ប្រធានាធិបតីអាមេរិកនិងលោក Mike Pence អនុប្រធានាធិបតីអាមេរិក ៕