កាលពីថ្ងៃទី ១៤ ខែមីនា រដ្ឋាភិបាលកាហ្សាក់ស្ថាន បានសម្រេចដកចិននិងកូរ៉េខាងត្បូងចេញពីបញ្ជីនៃប្រទេសដែលប្រឈមហានិភ័យខ្ពស់បំផុតនៃជំងឺកូវីដ-១៩។
បញ្ជីនេះគឺជាបញ្ជីមួយដែលត្រូវបានកំណត់ដោយក្រសួងសុខាភិបាលកាហ្សាក់ស្ថានសម្រាប់ការបង្ការនិងគ្រប់គ្រងជំងឺកូវីដ-១៩ ស្របតាមកម្រិតនៃស្ថានភាពរាតត្បាតនៃជំងឺនេះនៅក្នុងបណ្តាប្រទេសផ្សេងៗ។យោងតាមកម្រិតដែលត្រូវបានកំណត់នៅបញ្ជីនេះគឺ ត្រូវអនុវត្តវិធានការបង្ការជំងឺឆ្លងលើពលរដ្ឋនៃបណ្តាប្រទេសផ្សេងៗគ្នា។
បទបញ្ជាសម្រាប់ការអនុវត្តថ្មីនេះ បានសម្រេចដកចិននិងកូរ៉េខាងត្បូងចេញពីបញ្ជីនៃប្រទេសដែលប្រឈមហានិភ័យខ្ពស់បំផុតនៃជំងឺកូវីដ-១៩ ដោយបានទម្លាក់ចិននិងកូរ៉េខាងត្បូងពីកម្រិត A មកនៅកម្រិត B វិញ។ចំណែកអ៊ីរ៉ង់និងអ៊ីតាលីមកនៅកម្រិត A ដែលជាកម្រិតទី១ វិញ ។បទបញ្ជាសម្រាប់ការអនុវត្តថ្មីនឹងចាប់ផ្តើមអនុវត្តជាផ្លូវការចាប់ពីម៉ោងសូន្យ ថ្ងៃទី ១៧ ខែមីនា ខាងមុខនេះ៕