កាលពីថ្ងៃទី ១៣ ខែមីនា លោកGengshuang អ្នកនាំពាក្យក្រសួងការបរទេសចិន បានថ្លែងនៅក្រុងប៉េកាំងថា ការរួមសហការគ្នាដើម្បីប្រយុទ្ធប្រឆាំងនឹងជំងឺឆ្លងគឺជាជម្រើសដ៏ត្រឹមត្រូវតែមួយគត់សម្រាប់សហគមន៍អន្តរជាតិ ព្រមទាំងប្រឆាំងការចោទប្រកាន់ដាក់គ្នា និងការមាក់ងាយគ្នាទៅវិញទៅមក។
លោកGengshuangបានថ្លែងថា ភាគីចិនរីករាយ បន្តរក្សាភាពរលូននៃដំណើរការខ្សែ សង្វាក់ផលិតកម្ម និងខ្សែសង្វាក់ផ្គត់ផ្គង់ពិភពលោក តាមរយៈយន្តការពហុភាគី ដូចជា G20ជាដើម ព្រមទាំង ខិតខំប្រឹងប្រែង ជាមួយសហគមន៍អន្តរជាតិ ដើម្បីប្រយុទ្ធប្រឆាំងនឹងជំងឺឆ្លង ។ បើប្រកាន់ខ្ជាប់ស្មារតីពហុភាគីនិយម និងទស្សនៈសហគមន៍រួមវាសនានៃមនុស្សជាតិ យើងមុខជានឹងទទួលបានជ័យជម្នះ នៅទីបំផុត មិនខានឡើយ ៕