ក្នុងសន្និសីទកាសែតដែលធ្វើឡើងដោយនាយកដ្ឋានអាកាសចរណ៍ស៊ីវិលចិន លោកZhutao ប្រធាននៃស្ថាប័នស្តង់ដានៃការហោះហើរនៃនាយកដ្ឋានអាកាសចរណ៍ស៊ីវិលចិនបានណែនាំថា ដើម្បីបង្ការកុំឱ្យករណីជំងឺឆ្លងពីក្រៅប្រទេសឆ្លងចូលដែន អាកាសចរណ៍ស៊ីវិលបានអនុវត្តវិធានការគ្រប់គ្រងសុវត្ថិភាពខុសៗគ្នាតាមប្រតិបត្តិការហោះហើរនីមួយៗ ក្នុងន័យអនុវត្តការបង្ការនិងគ្រប់គ្រងឱ្យចំគោលដៅ។
តាមការណែនាំបានឱ្យដឹងថា នាយកដ្ឋានអាកាសចរណ៍ស៊ីវិលចិនបានចែកកម្រិតហោះហើរជាកម្រិតហានិភ័យចំនួន៣គឺខ្ពស់ មធ្យមនិងទាប។សម្រាប់ការហោះហើរមានហានិភ័យទាប ត្រូវអនុវត្តវិធានការពិនិត្យកម្តៅក្នុងខ្លួន និងពាក់ម៉ាសជាដើម។សម្រាប់ការហោះហើរមានហានិភ័យមធ្យម ត្រូវលើកកម្ពស់ស្តង់ដារបង្ការនិងគ្រប់គ្រងហានិភ័យ ដោយចាត់ចែងអ្នកដំណើរឱ្យអង្គុយសមរម្យ និងកាត់បន្ថយការផ្លាស់ទីរបស់អ្នកដំណើរលើយន្តហោះ។ចំណែកសម្រាប់ការហោះហើរមានហានិភ័យខ្ពស់ ត្រូវកាត់បន្ថយសេវាកម្មលើយន្តហោះឱ្យអស់ពីលទ្ធភាព បង្កើនកម្រិតការពារដល់បុគ្គលិកយន្តហោះហើយគ្រប់គ្រងអ្នកដំណើរដោយចែកជាក្រុមខុសៗគ្នា៕
