លោក Geng Shuang អ្នកនាំពាក្យក្រសួងការបរទេសចិនបានថែ្លងនៅទីក្រុងប៉េកាំងកាលពីថ្ងៃទី ១១ ខែមីនា ថា ប្រទេសចិនមានឆន្ទៈចូលរួមចំណែកក្នុងការប្រយុទ្ធប្រឆាំងនឹងជំងឺរាតត្បាតជាសកល ខណៈប្រទេសចិនកំពុងបន្តធ្វើឱ្យបានល្អនូវការងារបង្ការនិងគ្រប់គ្រងស្ថានភាពរាតត្បាតនៃជំងឺនេះរបស់ខ្លួន។
លោក Geng Shuang បានថែ្លងថា នាពេលបច្ចុប្បន្ននេះ ប្រទេសចិនបានចេញផ្សាយនូវគម្រោងផែនការស្តីពីការធ្វើរោគវិនិច្ឆ័យនិងព្យាបាលជំងឺ COVID-19 ចំនួន ៧ និងគម្រោងផែនការបង្ការនិងគ្រប់គ្រងចំនួន ៦ ដែលគម្រោងផែនការទាំងនេះត្រូវបានបកប្រែជាច្រើនភាសាដើម្បីចែករំលែកនិងផ្លាស់ប្តូរជាមួយបណ្តាប្រទេសដទៃទៀត។ប្រទេសចិននឹងចាត់បញ្ជូនក្រុមអ្នកជំនាញផ្នែកវេជ្ជសាស្ត្រទៅកាន់បណ្តាប្រទេសនានានិងតំបន់តាមសេចក្តីត្រូវការរបស់ពួកគេ ហើយចិនមានឆន្ទៈក្នុងការអនុវត្តកិច្ចសហប្រតិបត្តិការខាងវិទ្យាសាស្ត្រនិងបច្ចេកវិទ្យាជាមួយបណ្តាប្រទេសពាក់ព័ន្ធលើវិស័យឱសថ វ៉ាក់សាំងនិងឱសថសម្រាប់ធ្វើតេស្តិ ជាដើម៕