បន្ទាប់ពីអង្គការសុខភាពពិភពលោកបានប្រកាសថាជំងឺកូវីដ-១៩ជាជំងឺរីករាលដាលជាសកលកាលពីថ្ងៃទី ១១ ខែមីនា លោកAntonio Guterres អគ្គលេខាធិការអង្គការសហប្រជាជាតិបានអំពាវនាវដល់រដ្ឋាភិបាលនិងប្រជាជននៃប្រទេសនានាចាត់វិធានការជាបន្ទាន់ដើម្បីទប់ទល់នឹងជំងឺកូវីដ-១៩ ។
លោកGuterresបានថ្លែងក្នុងសុន្ទរកថាមួយថា សហគមន៍អន្តរជាតិគួរតែលុបបំបាត់ភាពភ័យខ្លាច ហើយប្រទេសនានាគួរអនុវត្តវិធានការនានា ដូចជាធ្វើតេស្ត ព្យាបាល ដាក់ដោយឡែកពីគ្នានិងតាមដានព្រមទាំងបំផុសប្រជាជន ទើបអាចកាត់បន្ថយការរីករាលដាលនៃជំងឺ ។
តាមវេបសាយអង្គការសុខភាពពិភពលោកបានឱ្យដឹងថា ការរីករាលដាលជាសកលគឺមានន័យថា ជំងឺថ្មីមួយរីករាលដាលក្នុងក្របខ័ណ្ឌទូទាំងពិភពលោក ៕