កាលពីថ្ងៃទី២៦ខែកុម្ភៈតាមម៉ោងក្នុងតំបន់ សន្និសីទលើកទី៤៣នៃក្រុមប្រឹក្សាសិទ្ធមនុស្សនៃអង្គការសហប្រជាជាតិ បានធ្វើនៅទីក្រុងហ្សឺណែវ។ ជុំវិញពាក្យសម្តីខុសឆ្គងពាក់ព័ន្ធនឹងភូមិភាគXinJiang ដែលប្រទេសមួយចំនួន ដូចជា អង់គ្លេសជាដើម បានថ្លែងក្នុងសន្និសីទជាន់ខ្ពស់ លោកLiuHuaតំណាងពិសេសទទួលបន្ទុកកិច្ចការសិទ្ធមនុស្សនៃក្រសួងការបរទេសចិន បានច្រានចោលយ៉ាងដាច់ខាត ហើយបានគូសបញ្ជាក់ថា ប្រទេសមួយចំនួនមិនអើពើការពិត និងភាពយុត្តិធម៌ ព្រមទាំងបានជ្រៀតជ្រែកកិច្ចការផ្ទៃក្នុង និងអធិបតេយ្យភាពផ្នែកយុត្តិធម៌ របស់ប្រទេសចិន ។ ប្រទេសចិនប្រឆាំងចំពោះការនេះយ៉ាងដាច់ខាត។
លោកបានបន្តថា ចាប់ពីទសវត្សរ៍ទី ៩០នៃសតវត្សចុងក្រោយ អំពើភេរវកម្ម ការបំបែកបំបាក់ និងភាពជ្រុលនិយម បានបង្កើតឱ្យមានអំពើហិង្សា ចំនួនរាប់ពាន់ករណី នៅភូមិភាគXinJiang បានបណ្តាលឱ្យមានការបាត់បង់អាយុជីវិតនិងទ្រព្យសម្បត្តិយ៉ាងច្រើន ។ រដ្ឋាភិបាលចិន បានអនុវត្តវិធានការមួយចំនួន ស្របតាមច្បាប់ ដើម្បីប្រយុទ្ធប្រឆាំងនឹងអំពើភេរ វកម្មនិងលុបបំបាត់ចោលភាពជ្រុលនិយម នៅភូមិភាគXinJiang ដែលបានទទួលការគាំទ្រជាទូទៅពីគ្រប់ជនជាតិនៅភូមិភាគXinJiang៕