马小青
ភាសាខ្មែរ

ព័ត៌មាន​សំខាន់​ៗ​

អ្នកនាំពាក្យនៃក្រសួងការបរទេសចិន ស្តីបន្ទោសកាសែត Wall Street Journalអាមេរិកដែលនៅមិនទាន់សុំទោសចំពោះអត្ថបទប្រមាថជនជាតិចិនដែលខ្លួនបានចុះផ្សាយនាពេលកន្លងទៅ

2020-02-25 15:54:30 cri

   បុគ្គលិកការងារ​ចំនួន​៥៣នាក់​នៃ​កាសែត Wall Street Journalអាមេរិក​បាន​រួម​គ្នាផ្ញើ​E-mailទៅ​កាន់​ស្ថាប័ន​គ្រប់គ្រងរបស់ខ្លួន ​កាល​ពី​ថ្ងៃ​ទី​២០ខែ​កុម្ភៈ ដើម្បី​ទាមទារឱ្យ​កែ​ចំណងជើង​នៃ​បទអត្ថាធិប្បាយមួយ​ស្តីពី​”ប្រទេសចិន​ជា​អ្នកជំងឺ​អាស៊ី​ដ៏​ពិតប្រាកដ”​ដែលបាន​ចុះផ្សាយ​នា​ពេល​កន្លងទៅ ​ព្រមទាំងតម្រូវឱ្យសុំទោស​ចំពោះអ្នក​រងប៉ះពាល់។ប៉ុន្តែកាល​ពី​ថ្ងៃ ទី​២២ខែ​កុម្ភៈ ​អ្នក​នាំ​ពាក្យ​នៃ​កាសែត Wall Street Journalអាមេរិកអះអាងថា ​គោលជំហ​រកាសែត​របស់ខ្លួនមិន​ផ្លាស់ប្តូរនោះទេ ។

      ជុំវិញករណីនេះ ​លោកZhaoLijian អ្នកនាំ​ពាក្យ​នៃ​ក្រសួង​ការបរទេស​ចិនបាន​គូសបញ្ជាក់​ក្នុង​សន្និសីទកាសែត​ជា​ប្រចាំ​នៃ​ក្រសួងការបរទេស​ចិន កាល​ពី​ថ្ងៃ​ទី​២៤ខែ​កុម្ភៈថា ​ប្រទេស​ចិន ​មិន​ចង់​ធ្វើជាសត្វ​”ចៀមដ៏​ស្ងៀមស្ងាត់”នៅពេលគេប្រមាថនិងលាបពណ៌​ដោយទង្វើ​អាក្រក់នោះឡើយ។ លោក​បានលើកឡើងថា ​កាសែត Wall Street Journalអាមេរិក​ហ៊ានមួល​បង្កាច់និង​ប្រមាថប្រទេស​ផ្សេងទៀត​ ​ហេតុអ្វីគ្មាន​ភាព​ក្លាហាន ដើម្បីនិយាយ​សុំទោស?​នៅ​លើ​ពិភពលោក​មាន​តែកាសែតមួយប៉ុណ្ណោះ គឺកាសែត Wall Street Journalដែល​រឹងរូស​ធ្វើ​តាមតែទំនើងចិត្តរបស់​ខ្លួន ​ហើយនឹងត្រូវទទួល​យក​ផលវិបាកបណ្តាលមក​ពី​ទង្វើរបស់ខ្លួន​មិន​ខាន។ការ​ទម្លាក់​ទំនួលខុស​ត្រូវ​ដោយ​យកលេសថា​ ការ​ផ្សាយ​ដំណឹង​ឯករាជ្យ​ពី​ការ​ធ្វើ​អត្ថាធិប្បាយ​ គឺមិន​សមហេតុសមផល​ទាល់តែ​សោះ។

      គួរឱ្យ​រំលឹក​ថា ​បុគ្គលិកការងារ​ចំនួន​៥៣នាក់​នៃ​កាសែត Wall Street Journalអាមេរិក​បាន​បង្ហាញ​ក្នុង​លិខិតE-mailថា ​ចំណងជើង​ដ៏​ខុសឆ្គង​ទាំង​ស្រុង​នេះ​បាន​ប៉ះពាល់​និង​ប្រមាថមនុស្ស​ជា​ច្រើន ​មិន​មែន​គ្រាន់តែ​ជនជាតិចិន​នោះ​ទេ។ថ្នាក់​ដឹកនាំ​នៃ​កាសែត​ត្រូវ​តែ​គិតពិចារណា​អំពី​ការ​កែ​ចំណងជើង​នេះឡើងវិញ ​ហើយត្រូវ​សុំទោស​ចំពោះអ្នកអាន ​ ​ព័ត៌មាន ​និង​មនុស្ស​ទាំង​អស់ ​ដែល​រង​ប៉ះពាល់និង​ត្រូវ​ប្រមាថ៕

អ្នកបកប្រែ:马小青
ប្លុកពិសេស