ក្នុងសន្និសីទជំរុញការបង្ការនិងគ្រប់គ្រង Covid-19និងចាត់ចែងការងារអភិវឌ្ឍន៍សេដ្ឋកិច្ចនិងសង្គមកិច្ចជាតិ ដែលធ្វើឡើងកាលពីថ្ងៃទី២៣ខែកុម្ភៈ លោកស៊ីជីនភីងប្រធានរដ្ឋចិនបានថ្លែងថា ប្រទេសចិន បានបញ្ចេញយ៉ាងពេញលេញនូវសក្តានុពលនិងកម្លាំងចលករដ៏ធំធេងនិងខ្លាំងក្លារបស់ខ្លួន នោះមុខជាអាចសម្រេចបាននូវភារកិច្ចនៃគោលដៅអភិវឌ្ឍន៍សេដ្ឋកិច្ចនិងសង្គមកិច្ចនៃឆ្នាំនេះ មិនខាន។
ពេលបច្ចុប្បន្ននេះ ការបង្ការនិងគ្រប់គ្រង Covid-19នៃប្រទេសចិន ទទួលបានប្រសិទ្ធភាពយ៉ាងច្បាស់លាស់ ហើយសហគ្រាសបានចាប់ផ្តើមដំណើរការផលិតកម្មរបស់ខ្លួនឡើងវិញកាន់តែច្រើន។ តាមទិន្នន័យដែលរដ្ឋាភិបាលចិន បានប្រកាសកាលពីថ្ងៃទី២៤ខែកុម្ភៈបានឱ្យដឹងថា អត្រាចាប់ដំណើរការផលិតកម្មឡើងវិញ លើការច្នៃគ្រាប់ធញ្ញជាតិ និងស្បៀងអាហារ នៅទូទាំងប្រទេសចិន បានលើសពី៧០ភាគរយ ខណៈផលិតភាពនៃអណ្តូងរ៉ែធ្យូងថ្ម បានរៀបចំឡើងវិញឡើងដល់៧៦ភាគរយ។
ប្រទេសចិន បានធ្វើយ៉ាងល្អប្រសើរ ក្នុងការងារស្តីពីការបង្ការនិងគ្រប់គ្រងជំងឺឆ្លងនិងដំណើរការបំពេញការងារក៍ដូចជាផលិតកម្មឡើងវិញ។ នេះបានបង្ហាញឱ្យឃើញនូវទំនួលខុសត្រូវរបស់ប្រទេសចិន ចំពោះកំណើនសេដ្ឋកិច្ចពិភពលោកនិងផលប្រយោជន៍ជាសាធារណៈ។
សេដ្ឋវេទូអន្តរជាតិបានយល់ឃើញជាទូទៅថា ផលប៉ះពាល់នៃជំងឺឆ្លងគឺមានរយៈពេលខ្លី ចំណែកនិន្នាការអភិវឌ្ឍន៍ដ៏ល្អប្រសើរ នៃសេដ្ឋកិច្ចចិន មិនផ្លាស់ប្តូរនោះទេ។ប្រទេសចិនមានទំនុកចិត្តពុះពារការលំបាក ដើម្បីសម្រេចបាននូវគោលដៅអភិវឌ្ឍន៍នៃឆ្នាំនេះនិងជំរុញការអភវិឌ្ឍសេដ្ឋកិច្ចពិភពលោក៕
