ពេលកន្លងទៅថ្មីៗនេះ សញ្ញាវិជ្ជមានមួយចំនួននៃការវិលទៅរកប្រក្រីភាពឡើងវិញរបស់សេដ្ឋកិច្ចចិនបានបង្ហាញចេញគួរឱ្យកត់សម្គាល់។ បើតាមទិន្នន័យផ្លូវការ នៅតាមខេត្តនិងទីក្រុងដែលមានសេដ្ឋកិច្ចលូតលាស់មួយចំនួនដូចជាខេត្តក្វាងតុង ជាងស៊ូនិងក្រុងសៀងហៃជាដើមគឺមានសហគ្រាសលើសពី៥០%បានស្តារផលិតកម្មឡើងវិញជាបណ្តើរៗហើយ។
រដ្ឋាភិបាលចិនបាននិងកំពុងខិតខំប្រឹងប្រែងផ្តល់គោលនយោបាលអនុគ្រោះដល់សហគ្រាសធ្វើការស្តារផលិកម្មនិងប្រកបអាជីវកម្មជាប្រក្រតីឡើងវិញ ក្នុងនោះមានតំបន់មិនតិចទេដែលបានម៉ៅរថយន្ត ម៉ៅរថភ្លើងល្បឿនលឿនឬមួយក៏ម៉ៅយន្តហោះសម្រាប់ដឹកពលករត្រឡប់បំពេញការងារក្នុងរោងចក្រវិញ។
មន្រ្តីក្រសួងពាណិជ្ជកម្មចិនបានថ្លែងថា ការផ្ទុះនិងរីករាលដាលខ្លាំងនៃជំងឺឆ្លងបានបានកើតឡើងនៅចុងខែមករាដែលបានជះឥទ្ធិពលធ្ងន់ធ្ងរបំផុតចំពោះសេដ្ឋកិច្ចក្នុងខែមករានិងខែកុម្ភៈ ជាពិសេសខែកុម្ភៈនេះតែម្តង ដល់ខែមីនាទីផ្សាប្រើប្រាស់ត្រូវបានរំពឹងថានឹងមានលំនឹងឡើងវិញ៕