កាលពីថ្ងៃទី ៣១ ខែមករា លោក Zhou Xianwang អភិបាលក្រុងវូហានប្រទេសចិនបានប្រាប់ឱ្យដឹងថា មន្ទីរពេទ្យ Huo shenshan ដែលជាមន្ទីរពេទ្យព្យាបាលជំងឺឆ្លងពិសេសនឹងចាប់ផ្តើមទទួលព្យាបាលអ្នកឆ្លងជំងឺរលាកសួតបង្កដោយវីរុសកូរ៉ូណាថ្មីចាប់ពីថ្ងៃទី ៣ ខែកុម្ភៈ រីឯមន្ទីរពេទ្យ Lei shenshan នឹងចាប់ផ្តើមដំណើរការទទួលព្យាបាលអ្នកជំងឺជាផ្លូវការនៅថ្ងៃទី ៦ ខែកុម្ភៈខាងមុខនេះ។
លោកបានបន្ថែមថា មន្ទីរពេទ្យ Huo shenshan ត្រូវបានសាងសង់ឡើងក្នុងទំហំ៣៤០០០ ម៉ែត្រការ៉េ មានគ្រែចំនួន ១០០០ ។ចំណែកមន្ទីរពេទ្យ Lei shenshan ត្រូវបានសាងសង់ឡើងក្នុងទំហំ ៧៥០០០ ម៉ែត្រការ៉េ មានគ្រែចំនួន ១៥០០ ។កម្មករកំពុងខិតខំធ្វើការយ៉ាងពេញទំហឹងដើម្បីជំរុញឱ្យមន្ទីរពេទ្យទាំងពីរនេះអាចដំណើរការយ៉ាងរលូនតាមពេលកំណត់៕