សន្និសីទការងារការពារអេកូ-បរិស្ថានជាតិឆ្នាំ២០២០បានបើកធ្វើនៅក្រុងប៉េកាំងកាលពីថ្ងៃទី១២ដល់ថ្ងៃទី១៣ខែមករា។លោកLiGanjieរដ្ឋមន្រ្តីក្រសួងអេកូ-បរិស្ថានចិនបានចង្អុលបង្ហាញក្នុងសន្និសីទថា ត្រូវធានាឱ្យសម្រេចបាននូវគោលដៅជាដំណាក់កាលស្តីពីបង្ការនិងគ្រប់គ្រងការបំពុលបរិស្ថានក្នុងឆ្នាំ២០២០។
លោកLiGanjieបានគូសបញ្ជាក់ថា ឆ្នាំ២០២០ជាឆ្នាំចុងក្រោយនៃកិច្ចកសាងសង្គមធូធារបង្គួរដោយគ្រប់ជ្រុងជ្រោយនិង”ផែនការអភិវឌ្ឍន៍៥ឆ្នាំទី១៣” ហើយក៏ជាឆ្នាំសម្រេចលទ្ធផលចុងក្រោយនៃការបង្ការនិងគ្រប់គ្រងការបំពុលបរិស្ថាន និងឆ្នាំមូលដ្ឋានគ្រឹះសម្រាប់”ផែនការអភិវឌ្ឍន៍៥ឆ្នាំទី១៤” ដំណើរការប្រកបដោយភាពរលូនផងដែរ។
សន្និសីទនេះបានចាត់ចែងការងារសំខាន់ៗឆ្នាំ២០២០ ហើយលោកLiGanjieបានថ្លែងថា ក្នុងឆ្នាំ២០២០ត្រូវតែបន្តអនុវត្តការលើកកម្ពស់ការអភិវឌ្ឍសេដ្ឋកិច្ចប្រកបដោយគុណភាពខ្ពស់តាមរយៈការត្រួតពិនិត្យនិងគ្រប់គ្រងអេកូ-បរិស្ថាន ឈ្នះក្នុងការតស៊ូប្រយុទ្ធដើម្បីការពារផ្ទៃមេឃពណ៌ខៀវ និងផ្តោតសំខាន់ទៅលើការការពារទឹកស្អាត។ព្រមពេលជាមួយគ្នាបន្តអនុវត្តការងារស្តីពីការការពារការបំពុលដីនិងអនុវត្តដោយគ្រប់ជ្រុងជ្រោយនូវផែនការសកម្មភាពបង្ការនិងគ្រប់គ្រងការបំពុលដី។
