ក្រសួងហិរញ្ញវត្ថុអាមេរិកបានប្រកាសទិន្នន័យកាលពីថ្ងៃទី ១៣ ខែមករាតាមម៉ោងក្នុងតំបន់ថា ឱនភាពហិរញ្ញវត្ថុនៃរដ្ឋាភិបាលសហរដ្ឋអាមេរិកឆ្នាំ២០១៩មានជាង ១ ទ្រីលានដុល្លារអាមេរិក ។ តួលេខនេះជាតួលេខខ្ពស់បំផុតបន្ទាប់ពីឆ្នាំ២០១២កន្លងទៅនេះ ។
ប្រព័ន្ធផ្សព្វផ្សាយអាមេរិកបានវិភាគថា មូលហេតុដែលបណ្តាលឱ្យឱនភាពហិរញ្ញវត្ថុអាមេរិកកើនឡើងយ៉ាងខ្លាំងនេះ គឺដោយសាររដ្ឋាភិបាលលោកត្រាំបានដាក់ចេញគោលនយោបាយកាត់បន្ថយពន្ធដារព្រមទាំងការចំណាយរបស់រដ្ឋាភិបាលបានកើនឡើងជាបន្តបន្ទាប់ ។ សូមបញ្ជាក់ថា ឱនភាពហិរញ្ញវត្ថុអាមេរិកឆ្នាំសារពើពន្ធ២០១៧មុនពេលលោកត្រាំឡើងកាន់តំណែងជាប្រធានាធិបតី មាន ៦ សែន ៦ម៉ឺន ៥ពាន់លានដុល្លារអាមេរិក ។ តួលេខនេះបានកើនឡើងដល់ ៩ សែន ៨ម៉ឺន ៤ ពាន់ ៤រយលានដុល្លារអាមេរិកនៅឆ្នាំសារពើពន្ធ២០១៩ ។
