កាលពីថ្ងៃទី១៩ខែវិចិ្ឆកា លោក Rupert Colville អ្នកនាំពាក្យនៃការិយាល័យឧត្តមស្នងការអង្គការសហប្រជាជាតិទទួលបន្ទុកកិច្ចការសិទ្ធិមនុស្សបានថ្លែងនៅក្រុងហ្សឺណែវថា ការិយាល័យឧត្តមស្នងការអង្គការសហប្រជាជាតិទទួលបន្ទុកកិច្ចការសិទ្ធិមនុស្សបានមើលឃើញថា ទង្វើអំពើហិង្សាជ្រុលនិយមរបស់បាតុករនៅក្នុងតំបន់ហុងកុងបានកើនឡើងជាបន្តបន្ទាប់ ។ បាតុករមួយចំនួនប្រើអំពើហិង្សាជ្រុលនិយមទៅលើកម្លាំងប៉ូលិស ហើយទង្វើទាំងនេះគឺមិនអាចអត់ឱនឱ្យបាន ។
លោកបានថ្លែងថា មនុស្សភាគច្រើនបានប្រើសិទ្ធិសេរីភាពដើម្បីប្រមូលផ្តុំនិងតវ៉ាស្របច្បាប់ដោយសន្តិភាពជាប់រហូត ហើយអាជ្ញាធរតំបន់ហុងកុងក៏បានគោរពចំពោះការប្រើប្រាស់សិទ្ធិនេះកម្រិតខ្ពស់ផងដែរ ។ ក្នុងសភាពការណ៍បែបនេះ ការិយាល័យស្នងការជាន់ខ្ពស់ទទួលបន្ទុកកិច្ចការសិទ្ធិមនុស្សនៃអង្គការសហប្រជាជាតិបានសម្តែងការសោកស្តាយយ៉ាងខ្លាំងចំពោះការប្រើអំពើហិង្សាដែលបង្កឡើងដោយក្រុមបាតុករ ហើយយល់ឃើញថា ទង្វើទាំងនេះគឺមិនអាចអត់ឱនឱ្យបាន ។
អ្នកនាំពាក្យរូបនេះបានថ្លែងទៀតថា សកម្មភាពអំពើហិង្សានៃតំបន់ហុងកុងបង្កើនហានិភ័យថែមមួយកម្រិតទៀត ។ ដូច្នេះ ការិយាល័យស្នងការជាន់ខ្ពស់ទទួលបន្ទុកកិច្ចការសិទ្ធិមនុស្សនៃអង្គការសហប្រជាជាតិមានការព្រួយបារម្ភយ៉ាងខ្លាំង ។
