មហោស្រពភាពយន្តJinjibaihua ប្រទេសចិនលើកទី ២៨ បានប្រារព្ធឡើងនៅក្រុងXiamen កាលពីថ្ងៃទី ១៩ ខែវិច្ឆិកា ។ លោក Huang Kunming សមាជិកនៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិន និងជារដ្ឋមន្ត្រីក្រសួងឃោសនាការនៃគណៈកម្មាធិការមជ្ឈិមបក្សកុម្មុយនិស្តចិន បានអញ្ជើញចូលរួមពិធីសម្ពោធបើកព្រមទាំងថ្លែងសន្ទរកថា ។
លោក Huang Kunming បានបញ្ជាក់ថា គួរតែរៀនសូត្រនិងអនុវត្តជាក់ស្តែងតាមស្មារតីនៃអនុសាសន៍សំខាន់ៗរបស់លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនស្តីពីការជំរុញការអភិវឌ្ឍនៃឧស្សាហកម្មភាពយន្ត គួរតែមានមនសិការទំនួលខុសត្រូវ និងធ្វើកិច្ចខិតខំប្រឹងប្រែងដើម្បីជំរុញឧស្សាហកម្មភាពយន្តក្នុងយុគសម័យថ្មីឱ្យវិវឌ្ឍន៍ទៅមុខប្រកបដោយភាពរីកចម្រើន ។ ជាពិសេស គួរតែក្តាប់ជាប់នូវកាលានុវត្តភាពជាប្រវត្តិសាស្ត្រនៃ “យុគសម័យមាស” សម្រាប់ការអភិវឌ្ឍឧស្សាហកម្មភាពយន្តចិន ខិតខំព្យាយាមត្រួសត្រាយផ្លូវច្នៃប្រឌិតថ្មី ដើម្បីជំរុញឱ្យឧស្សាហកម្មភាពយន្តចិនវិវឌ្ឍន៍ទៅមុខប្រកបដោយគុណភាពខ្ពស់ ក្នុងន័យប្រែពីប្រទេសធំនៃឧស្សាហកម្មភាពយន្តទៅជាប្រទេសខ្លាំងពូកែនៃឧស្សាហកម្មភាពយន្ត ។