កាលពីថ្ងៃទី១៨ខែវិច្ឆិកាតាមម៉ោងតំបន់ អ្នកនាំពាក្យនៃគណៈប្រតិភូតំណាងទូតចិនប្រចាំសហភាពអឺរ៉ុបបានថ្លែងថា ភាគីអឺរ៉ុបបាននិយាយនូវពាក្យសម្តីដ៏ខុសឆ្គងពាក់ព័ន្ធហុងកុងម្តងទៀត ភាគីចិនសម្តែងការមិនពេញចិត្តយ៉ាងខ្លាំងនិងប្រឆាំងជាដាច់ខាតចំពោះការនេះ។ភាគីអឺរ៉ុបត្រូវបញ្ឈប់ការជ្រៀតជ្រែកកិច្ចការហុងកុងនិងកិច្ចការផ្ទៃក្នុងចិនតាមគ្រប់រូបភាពទាំងអស់។
អ្នកនាំពាក្យរូបនេះបានចង្អុលបង្ហាញថា សកម្មភាពបាតុកម្មដែលបានកើតឡើងនៅហុងកុងនាពេលបច្ចុប្បន្ននេះជាអំពើហិង្សារបស់ឧក្រិដ្ឋជនហិង្សាជ្រុលនិយមមួយចំនួន។ប្រការជាបន្ទាន់របស់ហុងកុងគឺទប់ស្កាត់អំពើហិង្សានិងលុបបំបាត់ភាពចលាចល ហើយរៀបចំស្តាររបៀបរៀបរយឡើងវិញ។ប៉ូលិសហុងកុងកំពុងការពារសុវត្ថិភាពនិងទ្រព្យសម្បត្តិរបស់អ្នកក្រុងហុងកុងតាមច្បាប់និងធានាសណ្តាប់ធ្នាប់សង្គមជាប្រក្រតី។ភាគីអឺរ៉ុបបានច្រឡំការអនុវត្តច្បាប់របស់ប៉ូលិសនិងអំពើហិង្សាជ្រុលនិយម ពីសទៅជាខ្មៅ និងត្រូវទៅជាខុសទាំងស្រុង។
អ្នកនាំពាក្យបន្តថា កិច្ចការហុងកុងជាកិច្ចការផ្ទៃក្នុងរបស់ប្រទេសចិន មិនអនុញ្ញាតឱ្យកម្លាំងបរទេសជ្រៀតជ្រែកឡើយ។យើងដាស់តឿនដល់ភាគីអឺរ៉ុបឱ្យបញ្ឈប់ការប្រើប្រាស់ពាក្យសម្តីខុសឆ្គងដែលមិនទទួលខុសត្រូវជាបន្ទាន់និងបញ្ឈប់ការជ្រៀតជ្រែកកិច្ចការហុងកុងនិងកិច្ចការផ្ទៃក្នុងចិនតាមគ្រប់រូបភាពទាំងអស់។