លោក Stephane Dujarric អ្នកនាំពាក្យអគ្គលេខាធិការអង្គការសហប្រជាជាតិបានថ្លែងកាលពីថ្ងៃទី ១៩ ខែវិច្ឆិកាថា អង្គការសហប្រជាជាតិមានការសោកស្តាយយ៉ាងខ្លាំង ចំពោះពាក្យសម្តីរបស់សហរដ្ឋអាមេរិកនាពេលកន្លងទៅនេះដែលបានអះអាងថា ការដែលអ៊ីស្រាអែលសាងសង់លំនៅដ្ឋានសម្រាប់ជនជាតិជ្វីល្វនៅត្រាយខាងលិខទន្លេហ្សក់ដង់មិនមែនល្មើសនឹងច្បាប់អន្តរជាតិ។
កាលពីថ្ងៃទី ១៨ ខែវិច្ឆិកា លោក MikePompeo រដ្ឋមន្ត្រីក្រសួងការបរទេសអាមេរិកបានថ្លែងថា សំដៅលើសភាពការណ៍ពិសេស កត្តាប្រវត្តិសាស្ត្រនិងការពិតនៃលំនៅដ្ឋាននៃតំបន់ត្រាយខាងលិចទន្លេហ្សក់ដល់
សហរដ្ឋអាមេរិកមិនយល់ឃើញថាវាជាលំនៅដ្ឋានដែលល្មើសនឹងច្បាប់អន្តរជាតិនោះទេ។
សូមបញ្ជាក់ថា ក្រុមប្រឹក្សាសន្តិសុខអង្គការសហប្រជាជាតិបានអនុម័តសេចក្តីសម្រេចចិត្តលេខ ២៣៣៤ កាលពីឆ្នាំ ២០១៦ ដោយបានបញ្ជាក់ថា ការតាំងទីតាំងលំនៅដ្ឋានក្នុងទឹកដីប៉ាឡេស្ទីនដែលត្រូវបានកាន់កាប់តាំងពីឆ្នាំ ១៩៦៧ រៀងមក ក្នុងនោះរួមទាំងភាគខាងកើតនៃទីក្រុងហ្ស៊េរុយសាឡិមពីសំណាក់អ៊ីស្រាអែល គឺគ្មានឥទ្ធិពលច្បាប់ណាមួយឡើយ។ ទង្វើបែបនេះបានបំពានជាក់ស្តែងនឹងច្បាប់អន្តរជាតិ និងបានរារាំងដល់ការសម្រេចបាននូវយុត្តិធម៌ និងការគាំពារសន្តិភាពដ៏យូរអង្វែងនិងគ្រប់ជ្រុងជ្រោយ៕
