គណៈប្រតិភូនៃប្រព័ន្ធសារព័ត៌មានសំខាន់ៗជាច្រើននៃឥណ្ឌូណេស៊ីបានបំពេញទស្សនកិច្ចនៅក្រុងWulumuqi ភូមិភាគអ៊ុយហ្គ័រស៊ីនជាំងតបតាមការអញ្ជើញពីថ្ងៃទី ១៤ ដល់ ១៦ ខែវិច្ឆិកា ។ បន្ទាប់ពីទស្សនា ប្រព័ន្ធសារព័ត៌មានទាំងនោះបានវាយតម្លៃជាវិជ្ជមានចំពោះការងាររបស់រដ្ឋាភិបាលចិនក្នុងការជំរុញកំណើនសេដ្ឋកិច្ចនិងភាពសុខដុមរមនាសង្គមនៃស៊ីនជាំងជាដើម ជាពិសេសសមិទ្ធផលដ៏ធំធេងក្នុងការកសាងហេដ្ឋារចនាសម្ព័ន្ធ ការអភិវឌ្ឍវិស័យទេសចរណ៍និងការធ្វើពិពិធកម្មសង្គម ពួកគេបានកត់សម្គាល់ថា បទពិសោធន៍ជោគជ័យរបស់ស៊ីនជាំងគួររៀនសូត្រតាម ប្រទេសចិននិងឥណ្ឌូណេស៊ីមានលំហទូលំទូលាយក្នុងការបង្កើនកិច្ចសហប្រតិបត្តិការដែលផ្តល់ផលប្រយោជន៍ដល់គ្នាទៅវិញទៅមកថែមទៀត ។
ក្នុងអំឡុងពេលទស្សនកិច្ច គណៈប្រតិភូបានទស្សនាកន្លែងជាច្រើន ដោយបានចាប់អារម្មណ៍និងស្វែងយល់ពីសមិទ្ធផលនៃការកសាងនិងអភិវឌ្ឍស៊ីនជាំង វិធានការប្រឆាំងភេរវកម្មនិងលុបបំបាត់ចោលភាពជ្រុលនិយម និងការអនុវត្តជាក់ស្តែងនូវនយោបាយសាសនានៃប្រទេសចិន ។ គណៈប្រតិភូទាំងនោះបានកោតសរសើរចំពោះសភាពការណ៍បច្ចុប្បន្ននៃប្រជាជនស៊ីនជាំងដែលរស់នៅដោយសុខសាន្តនិងបំពេញការងារដោយភាពសប្បាយរីករាយ ៕
