នាពេលថ្មីៗនេះ កាសែត<The New York Times>បានចេញផ្សាយនូវអ្វីដែលគេហៅថា "បទសម្ភាសន៍ផ្តាច់មុខ"ដែលបានមួលបង្កាច់និងលាបពណ៌ការងាររបស់ភូមិភាគស្វយ័តស៊ីនជាំងក្នុងការប្រឆាំងភេរវកម្មនិងលុបបំបាត់កម្លាំងជ្រុលនិយមក្នុងតំបន់។កាសែត<The New York Times>បានអះអាងថា ទទួលបាន "ឯកសារសម្ងាត់" ប៉ុន្តែក៏បានសារភាពថា "វាមិនច្បាស់ តើឯកសារសម្ងាត់ទាំងនេះត្រូវបានប្រមូលនិងជ្រើសរើសដោយរបៀបណាឡើយ"។ទង្វើប្រឌិតខុសការពិតបែបនេះ មិនត្រឹមតែល្មើសលើក្រមសីលធម៌វិជ្ជាជីវៈជាមូលដ្ឋាននៃសារព័ត៌មានប៉ុណ្ណោះទេ ថែមទាំងបង្ហាញជាថ្មីម្តងទៀតនូវការសអើងរបស់ប្រព័ន្ធសារព័ត៌មាននៃលោកខាងលិចមួយចំនួនជាយូរមកហើយចំពោះមនោគមវិជ្ជារបស់ប្រទេសចិនព្រមទាំងមួលបង្កាច់និងលាបពណ៌ប្រទេសចិនដោយចេតនា។
អត្ថបទសង្កត់ធ្ងន់ថា ប្រឈមមុខនឹងអង្គហេតុជាច្រើន មិនថា កាសែត<The New York Times>បានមួលបង្កាច់យ៉ាងណាក៏ដោយ វាមុខជានឹងត្រូវបរាជ័យ។ភូមិភាគស្វយ័តស៊ីនជាំងដែលប្រកបដោយវិបុលភាពនិងស្ថិរភាព គឺជាការឆ្លើយតបដ៏ខ្លាំងក្លាបំផុតសម្រាប់ការមួលបង្កាច់ទាំងអស់៕