កាលពីថ្ងៃទី ២១ ខែតុលា វិទ្យុអន្តរជាតិចិនបានចេញផ្សាយបទអត្ថាធិប្បាយមួយក្រោមចំណងជើងថា « គុណភាពនៃការអភិវឌ្ឍសេដ្ឋកិច្ចចិនបន្តកើនឡើងជាបន្តបន្ទាប់ » ។
អត្ថបទបានថ្លែងថា ក្នុងបរិបទនៃការធ្លាក់ចុះជាទូទៅនៃសេដ្ឋកិច្ចពិភពលោក ធ្វើឱ្យកំណើនសេដ្ឋកិច្ចចិនបានធ្លាក់ចុះបន្តិចនាពេលបច្ចុប្បន្ន ប៉ុន្តែនៅតែដំណើរការក្នុងចន្លោះដ៏សមរម្យមួយ ។ ដូច្នេះ ប្រទេសចិនមានសមត្ថភាពនិងទំនុកចិត្តយ៉ាងមុតមាំក្នុងការសម្រេចបាននូវគោលដៅនៃម៉ាក្រូសេដ្ឋកិច្ច ។ បើមើលពីសន្ទស្សន៍សេដ្ឋកិច្ចក្នុងគ្រប់វិស័យបានដឹងថា ឱ្យតែបង្កើនឱកាសការងារបង្កើនប្រាក់ចំណូលរបស់ប្រជាជន កែលម្អគុណភាពអេកូ-បរិស្ថាន ហើយគុណភាពនៃការអភិវឌ្ឍបានកើនឡើងជាបន្តបន្ទាប់ នោះកំណើនសេដ្ឋកិច្ចដែលបានធ្លាក់ចុះបន្តិច គឺអាចទទួលយកបាន ។ ពិភពលោកអាចមានសុទិដិ្ឋនិយមចំពោះអនាគតនៃសេដ្ឋកិច្ចចិន ។
អត្ថបទបានបញ្ជាក់ថា យើងត្រូវតែមានចក្ខុវិស័យវែងឆ្លាយ ។ រចនាសម្ព័ន្ធនៃសេដ្ឋកិច្ចចិនត្រូវបានកែលម្អជាបន្តបន្ទាប់ ជីវភាពរស់នៅរបស់ប្រជាជនចិនត្រូវបានកែលម្អជាបន្តបន្ទាប់ ហើយគុណភាពនៃការអភិវឌ្ឍក៏កំពុងកើនឡើងជាបន្តបន្ទាប់ផងដែរ ។ ដូច្នេះ សេដ្ឋកិច្ចចិនមាននិន្នាកាឆ្ពោះទៅទិសដៅល្អជានិច្ច វាមិនមានការផ្លាស់ប្តូរឡើយ ។