កាលពីថ្ងៃទី ២១ ខែតុលា វិទ្យុអន្តរជាតិចិនបានចេញផ្សាយបទអត្ថាធិប្បាយមួយក្រោមចំណងជើងថា <"មិនធ្លាប់ឃើញបុគ្គលណាគ្មានភាពអៀនខ្មាសដូច លោក Peter Navarro នោះទេ">។
អត្ថបទបង្ហាញថា លោក Peter Navarro ដែលជាប្រធានគណៈកម្មាធិការពាណិជ្ជកម្មជាតិនៃសេតវិមានសហរដ្ឋអាមេរិកចង់ធ្វើជា"អ្នកជំនាញការខាងបញ្ហាប្រទេសចិន" ប៉ុន្តែប្រឌិតរឿងមិនពិត។លោកបានសរសេរសៀវភៅសម្រាប់លក់នៅគ្រប់ទីកន្លែងដើម្បីបង្កើនវិវាទនិងនិយាយមួលបង្កាច់ចំពោះប្រទេសចិន។បន្ទាប់ពីពាក្យចចាមអារ៉ាមត្រូវបានលាតត្រដាង ទីប្រឹក្សាទីមួយខាងគោលនយោបាយចិនរបស់ប្រធានាធិបតីអាមេរិកនេះ គ្មានភាពអៀនខ្មាសនោះទេដោយលោកគ្រាន់តែពន្យល់ថា "នេះគ្រាន់តែជារឿងកំប្លែងដែលត្រូវបានលាក់អស់រយៈពេលជាច្រើនឆ្នាំមកហើយ"។អ្នកប្រាជ្ញម្នាក់បាននិយាយដោយកំហឹងថា "ខ្ញុំធ្លាប់បានឃើញទង្វើដ៏អាម៉ាស ប៉ុន្តែខ្ញុំមិនធ្លាប់បានឃើញបុគ្គលណាគ្មានភាពអៀនខ្មាស ដូចលោក Peter Navarro នោះទេ"!
អត្ថបទគូសបញ្ជាក់ថា មូលហេតុដែលលោក Peter Navarro អាចប្រើការប្រឌិតទ្រឹស្តីដោយល្ងង់និងឧបាយកលនៅក្នុងមជ្ឈដ្ឋាននយោបាយអាមេរិក គឺដោយសារគំនិតសង្គ្រាមត្រជាក់និងទស្សនៈចាស់ៗស្តីពីល្បែងផលបូកស្មើសូន្យនៅតែមានទីផ្សារនៅសហរដ្ឋអាមេរិក ។ អ្នកនយោបាយនិងអ្នកវិភាគនយោបាយមួយចំនួនគឺក្តាប់ជាប់នូវចំណុចនេះ ដើម្បីផ្សព្វផ្សាយនិងបំផុស “គំនិតគំរាមកំហែងប្រទេសចិន”ដោយផ្តេសផ្តាស ដោយបំភាន់ភាពក្លែងក្លាយដែលប្រឌិតនោះ ។ លទ្ធផលរបស់វាមិនត្រឹមតែបំផ្លាញភាពសុខសាន្តត្រាណរបស់ប្រជាជនចិននិងអាមេរិកប៉ុណ្ណោះទេ ថែមទាំងក៏ជាទង្វើបំផ្លាញនិន្នាការសន្តិភាពនិងការអភិវឌ្ឍពិភពលោកផងដែរ ៕