ថ្ងៃទី១៥ខែតុលា អគ្គស្ថានីយវិទ្យុនិងទូរទស្សន៍មជ្ឈិមចិនបានចុះផ្សាយអត្ថបទរបស់អ្នកអត្ថាធិប្បាយក្រោមចំណងជើងថា “ប្រទេសចិនជាកម្លាំងវិជ្ជមានសម្រាប់គាំពារសន្តិសុខស្បៀងអាហារពិភពលោកជាប់រហូតមក”។
អត្ថបទបានលើកពីសៀវភៅសស្តីពីសន្តិសុខស្បៀងអាហាររបស់ប្រទេសចិនដែលបានចេញផ្សាយនាថ្ងៃទី១៤ខែតុលា និងបានអធិប្បាយថែមទៀតអំពីយុទ្ធសាស្រ្តផ្នែកសន្តិសុខស្បៀងអាហាររបស់ប្រទេសចិន ដោយបានបង្ហាញដោយពេញលេញនូវការរួមចំណែកយ៉ាងសកម្មរបស់ប្រទេសចិនចំពោះការគាំពារសន្តិសុខស្បៀងអាហារពិភពលោកនិងជំរុញការអភិវឌ្ឍជាមួយគ្នា។
អត្ថបទឱ្យដឹងថា ប្រជាជនចំនួន១៤០០លាននាក់មិនត្រឹមតែមិនបានបង្កជាការគំរាមកំហែងចំពោះសន្តិសុខស្បៀងអាហារពិភពលោកប៉ុណ្ណោះទេ ថែមទាំងបានបង្កើតជាអច្ឆរិយលើពិភពលោកដែលបានធានាដល់សន្តិសុខស្បៀងអាហារពិភពលោករបស់ប្រទេសដែលមានចំនួនប្រជាជនច្រើនជាងគេលើពិភពលោកដោយប្រើប្រាស់ប្រភពធនធានដែលមានកំណតត់នោះ ។ មូលហេតុសំខាន់ដែលការងារសន្តិសុខស្បៀងអាហារចិនទទួលបានសមិទ្ធផលយ៉ាងធំសម្បើមគឺស្ថិតនៅត្រង់ថាប្រទេសចិនបានកំណត់យុទ្ធសាស្ត្រសន្តិសុខស្បៀងអាហារជាតិដែលធានាជាក់លាក់ដល់ការប្រមូលទិន្នផលនិងគាំទ្រដោយបច្ចេកវិទ្យា ក៏ដូចជាដើរតាមផ្លូវសន្តិសុខស្បៀងអាហារដែលប្រកបដោយលក្ខណៈពិសេសចិន។
អត្ថបទបានគូសបញ្ជាក់ថា ទន្ទឹមនឹងពេលខិតខំអភិវឌ្ឍដោយខ្លួនឯង ប្រទេសចិនក៏បានបង្កើនកិច្ចសហប្រតិបត្តការអន្តរជាតិនិងការបើកទូលាយចំពោះបរទេសជាបន្តបន្ទាប់ផងដែរ ដែលបានរួមចំណែកយ៉ាងសកម្មដល់សន្តិសុខស្បៀងអាហារពិភពលោក ប្រការនេះបានបង្ហាញពីទំនួលខុសត្រូវរបស់ប្រទេសចិនក្នុងការដោះស្រាយបញ្ហាអត់ឃ្លានលើពិភពលោកទាំងមូល៕