លោក Ali Shamkhani លេខាធិការក្រុមប្រឹក្សាសន្តិសុខជាតិអ៊ីរ៉ង់បានថ្លែងនៅថ្ងៃទី ១២ ខែតុលាថា ការវាយប្រហារលើនាវាដឹកប្រេងអ៊ីរ៉ង់ក្នុងលំហសមុទ្រក្រហមជាសកម្មភាពបែប “ចោរសមុទ្រនិងការបំផ្លាញ” បានគំរាមកំហែងដល់ការធ្វើនាវាចរណ៍ដោយសេរីក្នុងដែនសមុទ្រសាធារណៈ ។ អ៊ីរ៉ង់មិនអាចនៅស្ងៀងបាននោះទេ។
តាមការផ្សាយពីទីភ្នាក់ងារព័ត៌មានសាធារណរដ្ឋអ៊ីស្លាម ដែលជាប្រព័ន្ធសារព័ត៌មានផ្លូវការរបស់អ៊ីរ៉ង់បានឱ្យដឹងថា លោក Shamkhani បានថ្លែងនៅថ្ងៃដដែលថា អ៊ីរ៉ង់នឹងធ្វើការឆ្លើយតបទៅនឹងករណីដែលនាវាដឹកប្រេងបានរងការវាយប្រហារ។ លោកបានប្រាប់ថា ប្រទេសអ៊ីរ៉ង់បានបង្កើតគណៈកម្មាធិការពិសេសមួយ ដើម្បីធ្វើការស៊ើបអង្កេតចំពោះករណីនេះ។ យោងតាមព័ត៌មានមួយចំនួនដែលអ៊ីរ៉ង់ទទួលបានបង្ហាញឱ្យដឹងថា មានសកម្មភាពគ្រោះថ្នាក់មួយចំនួនកំពុងកើតឡើង៕