តាមការផ្សាយដំណឹងរបស់ប្រព័ន្ធសារព័ត៌មានអ៊ីរ៉ង់កាលពីថ្ងៃទី ១៨ ខែកញ្ញា ឱ្យដឹងថា ថ្ងៃដដែល លោកHassan Rouhani ប្រធានាធិបតីអ៊ីរ៉ង់បានដាស់តឿនឱ្យសហរដ្ឋអាមេរិកលះបង់វិធានការដាក់សម្ពាធជាអតិបរមាទៅលើអ៊ីរ៉ង់ ។
តាមដំណឹងឱ្យដឹងថា ពេលចូលរួមកិច្ចប្រជុំគណៈរដ្ឋមន្រ្តីនៅក្រុងតេហេរ៉ង់នាថ្ងៃដដែល លោកHassan Rouhaniប្រធានាធិបតីអ៊ីរ៉ង់បានលើកឡើងថា ក្រោមសភាពការណ៍ដែលសហរដ្ឋអាមេរិកដាក់សម្ពាធជាអតិបរមាលើប្រទេសអ៊ីរ៉ង់ ប្រទេសទាំងពីរមិនអាចធ្វើកិច្ចសន្ទនាបានទេ ។ បើសិនជាភាគីអាមេរិកចង់ធ្វើកិច្ចសន្ទនាជាមួយអ៊ីរ៉ង់ នោះត្រូវបញ្ឈប់វិធានការដាក់សម្ពាធទាំងអស់ ។ ការប៉ុនប៉ងឆ្លងតាមរយៈការដាក់ទណ្ឌកម្មដើម្បីសម្រេចគោលដៅរបស់ខ្លួនគង់នឹងត្រូវបរាជ័យជាក់ជាពុំខានឡើយ ៕