អំពើហិង្សាខុសច្បាប់និងអំពើដែលបង្កភាពអន្តរាយដល់ប្រជាជនដែលបានលើកឡើងប៉ុន្មានថ្ងៃមកនេះបានប៉ះពាល់យ៉ាងធ្ងន់ធ្ងរដល់ការអភិវឌ្ឍសេដ្ឋកិច្ចនិងជីវភាពរស់នៅរបស់ហុងកុង។កាលពីថ្ងៃទី១៧ខែសីហា សាធារណមតិពីគ្រប់មជ្ឈដ្ឋាននៃហុងកុងបានបន្តបញ្ចេញសំឡេងអំពាវនាវដល់គ្រប់មជ្ឈដ្ឋាននៃសង្គមឱ្យបញ្ឈប់និងគ្រប់គ្រងភាពចលាចលដើម្បីការពារប្រទេសមួយប្រព័ន្ធគ្រប់គ្រងពីរ ធ្វើឱ្យហុងកុងវិលទៅកាន់ផ្លូវអភិវឌ្ឍន៍ដ៏ត្រឹមត្រូវឡើងវិញ។
កាសែតHongKongCommercialDailyបានចុះផ្សាយបទវិចារណកថាមួយថា អំពើហិង្សាខុសច្បាប់និងអំពើដែលបង្កភាពអន្តរាយដល់ប្រជាជនដែលបានកើតឡើងប៉ុន្មានថ្ងៃមកនេះបានប៉ះពាល់យ៉ាងធ្ងន់ធ្ងរដល់ការអភិវឌ្ឍសេដ្ឋកិច្ចនិងជីវភាពរស់នៅរបស់ហុងកុង។ការបញ្ឈប់និងគ្រប់គ្រងភាពចលាចល ឱ្យវិលត្រឡប់ទៅរកការគ្រប់គ្រងតាមច្បាប់ឡើងវិញ ជាជំហានដ៏ចាំបាច់សម្រាប់ហុងកុងវិលត្រឡប់ទៅរកភាពប្រក្រតីឡើងវិញ ហើយក៏ជាល័ក្ខខ័ណ្ឌជាមុនសម្រាប់ធានាយ៉ាងជាក់លាក់ឱ្យហុងកុងមានវិបុលភាពនិងស្ថិរភាពនាពេលអនាគត។
ប៉ុន្មានថ្ងៃចុងក្រោយនេះ សហគ្រាសជាច្រើននៃហុងកុងក៏បង្ហាញអំពាវនាវឱ្យបញ្ឈប់អំពើហិង្សា ព្រមទាំងគាំទ្ររដ្ឋបាលនិងផ្នែកប៉ូលិស ក៏ដូចជារួមគ្នាការពារហុងកុងដើម្បីកសាងផ្ទះសម្បែងដ៏ល្អបវរមួយនេះ។