ថ្ងៃទី ១៣ ខែសីហា លេខាធិការដ្ឋានកិច្ចសហប្រតិបត្តិការត្រីភាគី ចិន-ជប៉ុន-កូរ៉េខាងត្បូងបានបើកធ្វើសេក្ខាសាលាអំពីទស្សនវិស័យនៃកិច្ចសហប្រតិបត្តិការរវាងប្រទេសទាំងបីនៅក្រុងសេអ៊ូល រដ្ឋធានីកូរ៉េខាងត្បូង។ លោក Hu Zhengyue អនុប្រធានសមាគមការទូតសាធារណៈប្រទេសចិនបានអញ្ជើញថ្លែងសុន្ទរកថា និងធ្វើការជជែកពិភាក្សានិងធ្វើការផ្លាស់ប្តូរមតិគ្នាយ៉ាងស៊ីជម្រៅជាមួយយុវជននិងសិស្សានុសិស្សនៃប្រទេសទាំង ៣ ចិន-ជប៉ុន-កូរ៉េខាងត្បូង។
ក្នុងសុន្ទរកថា លោក Hu Zhengyue បានថ្លែងថា កិច្ចសហប្រតិបត្តិការរវាងចិន ជប៉ុន និងកូរ៉េខាងត្បូង ត្រូវរក្សាឱ្យបានល្អនូវសន្តិភាពនិងស្ថិរភាពនៃអាស៊ីឦសាន , ពង្រឹងទំនាក់ទំនងទ្វេភាគី , រួមគ្នាថែរក្សាយន្តការពាណិជ្ជកម្មពហុភាគី ,ស្វែងរកនិងពង្រីកគំនិតថ្មីៗសម្រាប់កិច្ចសហប្រតិបត្តិការ ដើម្បីជំរុញការងារការទូតស៊ីវិល។
ក្នុងសុន្ទរកថា លោក LEE Jong-heon អគ្គលេខាធិការនៃលេខាធិការដ្ឋានកិច្ចសហប្រតិបត្តិការត្រីភាគី ចិន-ជប៉ុន-កូរ៉េខាងត្បូងបានថ្លែងថា រយៈពេល ២០ ឆ្នាំកន្លងមកនេះ ប្រទេសទាំងបី ចិន-ជប៉ុន-កូរ៉េខាងត្បូងបានធ្វើជាសាក្សីចំពោះការវិវឌ្ឍរីកចម្រើនយ៉ាងខ្លាំងនៃកិច្ចសហប្រតិបត្តិការរវាងរដ្ឋាភិបាលនិងការផ្លាស់ប្តូររវាងសង្គមស៊ីវិល។ ក៏ប៉ុន្តែ ទំនាក់ទំនងរវាងប្រទេសទាំងបីក៏ប្រឈមនឹងបញ្ហាជាញឹកញាប់ផងដែរ។ បើចង់ឱ្យមាគ៌ានៃការពង្រីកកិច្ចសហប្រតិបត្តិការក្នុងតំបន់ឈានទោមុខកាន់តែស៊ីជម្រៅ នោះប្រទេសទាំងបីគួរតែបន្តខិតខំប្រឹងប្រែងតទៅទៀត៕